આજનો સુવીચાર

જો તમે જીતો તો તમારે કોઈ સમજ આપવાની જરુર નથી.

અને જો તમે હારો તો , તમારે કોઈ સમજ આપવા  જીવતાં ન રહેવું જોઈએ.

- એડોલ્ફ હીટલર

મહોરાં

        દીકરીનો દીકરો કોમ્પ્યુટર ઉપર બાર્નીની વેબસાઈટ ઉપર તેની વીડીયો ક્લીપ જોઈ રહ્યો હતો. જાડો ડાઈનોસોર જેવો બાર્ની નાચી અને કુદી રહ્યો હતો. સાથે બેબી બોપ અને બી.જે. પણ હતાં. ( ત્રણે બાર્નીની સીરીયલના કાલ્પનીક પાત્રો છે. ) આને પપેટ નહીં પણ મપેટ કહે છે. આખો ને આખો માણસ અંદર સંતાયેલો હોય. આમ તો તે જ બધા હાવભાવ અને અભીનય કરે. પણ આપણને તે પાત્ર જ આમ કરતું હોય તેમ લાગે.

       અહીં તો આવાં જાતજાતનાં પાત્રો હોય છે. મીકી માઉસ, ડોનાલ્ડ ડક, એલ્મો, કુકી મોન્સ્ટર, બીગ બર્ડ, વીની ધ પુ અને આવાં તો અનેક….દરેકની લાક્ષણીકતા, લઢણ, ચાલ, અવાજ, મીજાજ અલગ. આપણને કદી તેની અંદર રહેલ સાચી વ્યક્તી તો જોવા જ ન મળે.

        પપેટ હો કે મપેટ – બધાંય મહોરાં જ મહોરાં.

        કે પછી પુરુશ હો કે સ્ત્રી – બધાંય મહોરાં જ મહોરાં.  કદી તેમને ચલાવનાર તત્વ તો ભળાય કે કળાય જ નહીં! તે તો પ્રચ્છન્ન જ રહે. બધીય વ્યક્તીઓ અનેક મહાન ખેલોમાંની કઠપુતળીઓ માત્ર જ……