રોજ આ ગળણી વાપરવાની. અને એના ઉપર કોઈ વીચાર જ નહીં? એને ખોટું લાગશે! એટલે આજે ચાની ગળણી ઉપર કાંઈક કહીશ!
કોઈ પણ ગળણી હોય- ચાની કે તાજા બનેલા ઘીમાંથી બગરી જુદી કરવાની; કે પછી ચાયણી હોય, લોટમાંથી થુલું જુદું કરવાની; બધાયનું કામ એક સરખું. અવાંછીત કચરો સાફ કરી નાંખવાનો. શુદ્ધ ચા કે ઘી કે લોટ જ ખપે; કચરો નહીં. ગળણી કે ચાયણી ઉપરના કચરાનું સ્થાન તો કચરાપેટીમાં જ.
મનનો કે જીવનનો કચરો સાફ કરવાની ગળણી કે ચાયણી મળતી હોય તો મોં માંગ્યા ભાવે ખરીદી લઈએ !
જો કે, અમારી પાસે આનાથી વીરુદ્ધ કામની ગળણી પણ છે! તેમાં બટાકા પૌંઆ બનાવતી વખતે પૌંઆ ધોવામાં આવે છે. આમાં ગળણી ઉપરનો માલ જ કામનો હોય છે!
એમ પણ બને !
