ગામડામાં મહીલા વર્ગમાં વપરાતી કહેવતો - 1

1. સાત સુવાવડ સારી પણ એક કસુવાવડ ભુંડી.
2. છોકરાં ધવડાવ્યે મોટાં થાય છે, રમાડ્યે નહીં.
3. જણનારીનાં દખ જણનાર જાણે.
4. મા કરતાંય વધારે હેત દેખાડે ઈ ડાકણ હોય.
5. ‘જુ’ના પેટમાં લીખ જ પાકે.
6. એક તોલડી તેર વાનાં માંગે.
7. પરણ્યાને પાળે ને જણ્યાને જીવાડે ઈમાં શું નવાઈ?
8. માવતર ગલઢાં થાય; માવતરનાં હેત ગલઢા નો થાય.
9. હું પહોળી ને શેરી સાંકડી.
10. દીકરાના પાડની દીકરી છે.
11. ભાંગ્યો તોય આદમી; ગાડું તોય તેલ.
12. દુધ ને દીકરા, બધુંય છે.
13. છોડીયાં જેવાં છોકરાં , ને ધડફા જેવી ડોશી.
14. દુધ ને દીકરા, ઢાંક્યા નો રે’.
15. ભાભોજી ભારમાં , તો વહુ લાજમાં. ( સસરામાં શણપણ હોય તો વહુ આમન્યા રાખે.)
16. છાશ ખાય છોકરાં, ને દુધ ખાય ડોશી.

( 18 ડીસેમ્બરે વાંચો …..   ભાગ -2 )

સંકલન –   જયંતીલાલ દવે

પરીચય