ઉપકાર- રણછોડદાસજી મહારાજ

      અપકાર કરનાર પર એટલો ઉપકાર કરો કે, તમને જોતાં જ તેની આંખો શરમથી ઢળી જાય અને એને થાય કે, અરે ! આની સાથે મેં કેટલો ખરાબ વ્યવહાર કર્યો અને આણે મારી સાથે કેટલી ભલાઇ કરી !

         આ તો ઘાત – પ્રત્યાઘાત છે. અપકારનો જો બદલો લેવો જ હોય, તો તે ઉપકારથી લેવો સારો.

       તમારા પુણ્યે તમે કોઇના પર ઉપકાર કર્યો હોય  તો એને ભૂલી જ્જો. એમ નહીં કરો તો એ ઉપકારથી તમારો અહંકાર વધશે અને એક દિવસ એ તમને નીચું જોવડાવશે, અથવા જેના પર તમે ઉપકાર કર્યો છે, તે તમારું અપમાન કરે તો તમે દુઃખી થઇ જશો.

– રણછોડદાસજી મહારાજ

      તમને થશે કે આમાં અંતરની વાણી ક્યાં આવી? પણ અંતરની વાણી સાથેનો આપણો છૂટી ગયેલો સંબંધ જો ફરીથી સ્થાપવો હોય તો આપણા આચાર આવા શુધ્ધ થવા જોઇશે.