કારનો વીન્ડ સ્ક્રીન – એક અવલોકન

       રાતે પડતી ઝાકળ અને હવામાંથી ઠરતી ઝીણી રજકણો – આ બે મળીને કારનો વીન્ડ-સ્ક્રીન ગંદો થઈ ગયેલો હતો. બટન દબાવ્યું અને ખાસ પ્રવાહીના મીશ્રણવાળા પાણીની સેર છુટી. પછી વાઈપર ફેરવ્યું. અને કાચ એકદમ ચોક્ખો ચંદન જેવો.

       લે કર વાત ! એમાં તે શી મોટી ધાડ મારી?!
——————-

         ક્યાં ક્યાંથી આપણા માનસપટલ પર ઝાંખ આવી જતી હોય છે – ઝાકળનાં બીંદુઓ અને સાવ નાની અમથી રજકણ જેવાં પરીબળો આપણા વીચાર પટલને આવી ઝાંખ અર્પી જતા હોય છે.  બધું જ ધુંધળું દેખાય. કાંઈ સ્પશ્ટ ન દેખાય. ખાસ તો જ્યારે સામેથી તીવ્ર પ્રકાશનો પુંજ આપણી નજરને ચલીત કરી દેતો હોય ત્યારે તો આપણો રસ્તો પણ આપણને ન દેખાય.

      આવી ઝાંખ, વીચારોની અસ્પશ્ટતા, ધુંધળાપણું દુર કરવા ખાસ પ્રવાહી જેવી વીવેક સભર વીચારસરણીથી તેને ધોવું પડે. વાઈપર જેવા પ્રયત્નોથી એ બધો કચરો ઉશેટી નાંખવો પડે.

      તો જ આપણો માર્ગ આપણે સ્પશ્ટ રીતે જોઈ શકીએ.