સૂરસાધના

ગુજરાતી લેખિનીમાં સ્વૈરવિહાર

પ્રકરણ – 26 ખાનનો નવો મીત્ર

વીતેલી વાર્તા વાંચવા ઉપર આપેલા ટેબમાંથી
બીજી લાઈનના ‘નવલકથા’  ટેબ ઉપર ‘ક્લીક’ કરો.

——————————————     

       ખાનનો મીત્ર બન્યા બાદ, ભુલાનાં માન એકદમ વધી ગયાં. આ પરદેશી બટકો બધાનો માનીતો બની ગયો. ખાસ કરીને સ્ત્રીઓ તો તેનો સહવાસ પામવા અને આવા ચાલાક જણનું બીજ ધારણ કરવા પડાપડી કરવા લાગી. સ્ત્રીસંગનાં ભુલાના બધા ઓરતા રંગે ચંગે સંતોષાવા માંડયા.

    દરરોજ ખાન એકાદ કલાક બધા સલાહકારોની સાથે વાતચીત કરતો. ભુલાને આ પ્રદેશની બધી યુધ્ધકળા પણ શીખવવામાં આવી. ખાસ તો ઘોડેસ્વારી. બે વરસ આમ નીકળી ગયાં  અનેક વાર એ ખાનની મંડળીની સાથે જુદા જુદા પ્રદેશોની મુલાકાતે જતો. જાતજાતના અને ભાતભાતના અનુભવો તેને થવા લાગ્યા. ભુલાની અંદર કોઈક અજાયબ અને આમુલ પરીવર્તન આકાર લેવા માંડ્યું. ખાનના સહવાસે અને બદલાયેલા જીવનને કારણે, તેના પ્રચ્છન્ન ગુણો ઉભરવા માંડ્યા. નવા અને વીશાળ પ્રદેશોમાં પરીભ્રમણના કારણે તેનું ક્ષીતીજ હવે વીશાળ બન્યું હતું. કોતરોમાંથી ભાગ્યા બાદ, ભુતાવળોના અનુભવ બાદ તેના વ્યક્તીત્વમાં આ સાવ નવો જ વળાંક હતો.

    એક દીવસ ખાન અને ભુલો ઘોડા ઉપર ફરવા નીકળ્યા. ક્ષીતીજમાં ઘણે દુર લાંબી પર્વતમાળા દેખાતી હતી. ભુલો તે જોઈ ગંભીર બની ગયો.

    ખાને પુછ્યું, “ કેમ? વતનની યાદ આવી ગઈ શું?”

    ભુલો , “ વતન યાદ તો આવે જ ને?”

    ખાન ,” કેમ અમારી સુંદરીઓ તને પસંદ ન આવી? કે પછી તારી કોઈ પ્રીયતમા યાદ આવે છે? ”

    ભુલો, “ ના, ના, એવું તો કાંઈ નથી.”

    ખાન “ તમારે ત્યાં પણ આવી જ ઠંડી હોય છે?”

   ભુલો ,” ના, અમારે ત્યાં તો કદી આટલી ઠંડી પડતી નથી. ઉલટાનું ઉનાળામાં તો ઘણી ગરમી પડે. ”

    ખાન ,” મને એ પ્રદેશ જોવાની ઘણી ઈચ્છા થાય છે.“

    ભુલો ,” આપની ઈચ્છા એટલે,,, એ પ્રદેશ પણ તમારી હકુમતમાં આવ્યો જ સમજો.”

    ખાન ,”તું મારા મનની વાત બરાબર સમજી ગયો. તું મારા લશ્કરને રસ્તો બતાવ અને હું તને ત્યાંનો સુબો બનાવીશ.”

    ભુલો એકદમ ગંભીર બની ગયો. હવે તેને કોઈ પ્રત્યે વેર રહ્યું ન હતું, ગોવા માટે પણ નહીં. અહીં ભોગવેલી, રુપ રુપના અંબાર જેવી અનેક લલનાઓ આગળ તો રુપલી પણ ઝાંખી પડી જાય તેવી હતી. તેણીની માયા પણ ગાયબ થઈ ગઈ હતી.

   વતન માટેનો પ્રેમ તેના હૃદયમાં ઉભરાઈ આવ્યો.

   ભુલાએ કહ્યું,” એક શરતે. “

   ખાન ,” તું કહે તે શરત મને મંજુર છે.”

   ભુલો ,” મારો દેશ મને બહુ વ્હાલો છે. બને તેટલી ઓછી જાનહાની થાય તે રીતે તમારી મનોકામના સીધ્ધ થાય તો મને આનંદ થશે.”

   ખાન રત્નપારખુ હતો. તેણે ભુલાને ઘોડા પરથી ઉતરવા કહ્યું, અને નીચે ઉતરી ભુલાને ભેટી પડ્યો. તેણે કહ્યું,” ભુલા! તું મારી આ છેલ્લી પરીક્ષામાંથી પણ પાર ઉતર્યો છે. રાજા વીર તો હોવો જ જોઈએ; પણ ઉદાર પણ હોવો જોઈએ. બધા સુબાઓ પાસેથી મારી આ પાયાની જરુરીયાત છે. હું રાજા છું. બધા મારું શાસન સ્વીકારે છે. પણ પ્રજા સૌથી વધારે મહાન છે. દેશની સમૃધ્ધીનો આધાર પ્રજા ઉપર છે. રાજાનું કામ એમનું રક્ષણ કરવાનું અને એમને સાચી દોરવણી આપવાનું છે.“

   ભુલાને જગ્ગાના શબ્દો યાદ આવી ગયા. ‘ખાન જેવો રાજા આખી દુનીયામાં બીજો કોઈ ન મળે.” તેણે ખાનને સાષ્ટાંગ વંદન કર્યા.

     બન્ને મીત્રો પાછા ફર્યા. ખાને બધા સલાહકારોની સભા બોલાવી, અને પોતાનો ઈરાદો જાહેર કર્યો. બધા શુરવીરો આ નવા સાહસ માટે તલપાપડ થઈ ગયા. ઘણા વખતથી કોઈ યુધ્ધ થયું ન હતું. આ સાવ નવા પ્રદેશમાં જવાની વાત સૌને આકર્ષક લાગી.

    હવે ખાને કુચની યોજના બનાવવા માંડી. એ સમયે તો એ પ્રદેશમાં ઉનાળો ચાલતો હતો.અત્યારે નીકળે તો ભુલાના પ્રદેશમાં પહોંચતાં પહોંચતાં શીયાળો બેસી જાય. પર્વતમાળા ઓળંગવા માટે ખાનને એ સમય ઠીક ન લાગ્યો. આથી શીયાળો ઉતરતાં તરત પ્રસ્થાન કરવાનું તેને યોગ્ય લાગ્યું. ખાનના મુખ્ય મંત્રીએ સુચન કર્યું કે દરેક સુબો પોતાના શ્રેષ્ઠ દસ સૈનીકો મોકલે. આમ ખાનના સામ્રાજ્યના સો સુબાઓના એક હજાર સૈનીકો ભેગા થાય . એમની સાથે ખાનના પોતાના પાંચસો રક્ષકો ઉમેરતાં પંદરસોની સેના તૈયાર થાય. આ પ્રચંડ યોજના જાણી ભુલાની તો ચાર આંખો થઈ ગઈ. આ તો કીડી ઉપર કટક લઈ જવા જેવી વાત હતી. તેણે કહ્યું, કે આ યોજના જરુર સફળ નીવડશે.

    બીજા દીવસે ખાસ કાસદો નીકળી પડ્યા અને શીયાળો ઉતરતાં બધાને જગ્ગાના ગામ આગળ ભેળા થવાનો આદેશ અપાઈ ગયો.

   આખા પ્રદેશમાં આ નવા અભીયાનની શક્યતાથી ગરમી આવી ગઈ.

Advertisements

One response to “પ્રકરણ – 26 ખાનનો નવો મીત્ર

  1. Junagadh Tourist Info. ડિસેમ્બર 27, 2008 પર 1:18 એ એમ (am)

    now this is getting interesting… liked the revenge had been out of the newly formed personality… afterall, every person is combination of ying-yang!!

તમારા વિચારો જણાવશો?

Please log in using one of these methods to post your comment:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: