પરીવર્તન – 1

નુતન વર્ષાભીનંદન

     2008 નું વર્ષ પુરું થયું અને 2009નું શરુ થયું. દર સાલ આમ જ બને છે.

    હું 1943માં જન્મ્યો; ત્યારથી આવાં 65 પરીવર્તનો થઈ ચુક્યાં છે. હું તાલવાળા(!) અને દાંત વગરના, નવજાત શીશુમાંથી પાંસઠ વરસનો, સાવ ઓછા વાળવાળો અને જેના બે દાંત પડી ગયા છે; તેવો બુઢીયો બની ગયો છું !

     એક આખે આખું વરસ પતી ગયું.

365x24x3600 = 3,15,36,000

(ત્રણ કરોડ પંદર લાખ અને છત્રીસ હજાર) સેકન્ડ

    વીતી ચુકી. પ્રત્યેક સેકન્ડે અગણીત ઘટનાઓ વીશ્વમાં ઘટી ચુકી – માત્ર નવા જન્મ જ ધ્યાનમાં લઈએ તો – કાંઈક કેટલાંય મારા, તમારા જેવા માનવ જીવો, તેનાથી અનેક ગણા જીવજંતુયો અને તેનાથી ખર્વાતીખર્વ ગણા ઘાસ, પાન અને બેક્ટેરીયા આ જ ક્ષણમાં જન્મ લઈ ચુક્યાં છે. આ દરેકનું કાંઈ ને કાંઈ, નાનું સરખું પણ પ્રદાન તો ખરું જ ને? એક અદનામાં અદનો બેક્ટેરીયા પણ કોઈકનો ખોરાક બની, આવું  પ્રદાન કરી જાય છે.

   અને….  

    આપણે માટે આ બધું એટલું સ્વાભાવીક બની ગયું છે કે, આવડું મોટું એક વરસ પસાર થઈ જાય; તો પણ આપણે ખાસ કોઈ પરીવર્તન નીહાળી કે ખમી શકતા નથી – આટલું બધું શક્તીશાળી માનવમન આપણને મળ્યું છે –  છતાં પણ.

   તો મીત્રો , આ નવા વર્ષથી એક લેખ-શ્રેણી શરુ કરું છું

 ‘પરીવર્તન’ 

વીશ્વનો એક માત્ર, સતત, બદલાયા વગરનો નીયમ છે  –

બધું સતત બદલાતું રહે છે.

  પરીવર્તનની, સતત ચાલતી, વીવીધ પ્રકારની પ્રક્રીયાઓનાં અવલોકનોની શ્રેણીનો આ પહેલો મણકો છે.

  બીજા મણકાની રાહ જુઓ.