સૂરસાધના

ગુજરાતી લેખિનીમાં સ્વૈરવિહાર

જ્યાં છો ત્યાં બરાબર છો – એક સત્યકથા

     અમદાવાદની એક પોળની સાંકડી ગલીની વચ્ચે આવેલા નાનકડા મકાનની સાવ સાંકડી સીડી હું બેળે બેળે ચઢી રહ્યો છું. મારી પાછળ મારી પત્ની પણ એ સીડી ચઢી રહી છે. મારું માથું બીજા માળની ફર્શની લગોલગ આવે છે, અને દીનકર કાકા પલંગ ઉપર બેઠેલા દેખાય છે. એમની અને મારી નજર તરત જ મળે છે.

     કાકા પુછે છે, “ કેમ ભાઈ ? મજામાં ને?”

     હું જવાબ આપું છું, “હા! કાકા.”

     અને કાકા પટાક રહીને બોલી ઉઠે છે,” તમે જ્યાં છો ત્યાં બરાબર છો.”

     મને આંખે લગભગ અંધારા આવી જાય છે. હું માંડ માંડ મારી જાતને સીડી પરથી પડી જતી બચાવું છું. ‘અરે! હું જે સવાલ પુછવા આવ્યો હતો, તે તો હજી મેં પુછ્યો જ નથી; અને કાકાએ જવાબ પણ આપી દીધો!’

     હવે જાણે વાત એમ છે કે, એ વખતે મને એક અર્ધ-સરકારી કમ્પનીમાં જનરલ મેનેજરની જગ્યા પર નીમણુંક મળે, તેવી શક્યતા ઉભી થઈ હતી. હું એ વખતે તેનાથી એક પગલું નીચે, સીનીયર મેનેજરના પદ ઉપર હતો. આથી મને બહુ સરસ અને ઘણી મોટી જવાબદારીનું કામ કરવાની તક મળવાની હતી. મારે એક જ દીવસમાં ‘હા’ કે ‘ના’ નો જવાબ આપવાનો હતો. અલબત્ત આર્થીક રીતે તો મને ઘણું જ નુકશાન થાય તેમ હતું. પણ આ તક જતી કરવા મારું મન માનતું ન હતું.

    મારી પત્ની મારા કરતાં વધારે વ્યવહારકુશળ, એટલે એને તો આ તક નહીં પણ છળ લાગતું હતું! દીનકરકાકાના ભવીષ્ય કથન ઉપર મારા કુટુમ્બના બધાંને બહુ જ વીશ્વાસ, એટલે ઘણી ચર્ચા બાદ તેણે મને એક જ વાત કહી. “ જો દીનકરકાકા હા પાડે તો મારી પણ હા.” કાકામાં મને પણ બહુ જ વીશ્વાસ,  એટલે મેં એની વાત મંજુર રાખી. ઉપર જણાવ્યું છે તેમ, અમે બન્ને કાકાને ઘેર પહોંચી ગયા.

       કાકાની મેડી પર અમે ખુરશી પર બીરાજ્યા અને આખી પરીસ્થીતી કાકાને સમજાવી. સાથે મારા જન્માક્ષર પણ આપ્યા. હવે કાકાએ ગણીત શરુ કર્યુ. પંચાગ તો બાજુમાં જ પડ્યું હતું. લગભગ અડધો કલાક સાવ ચુપકીદી છવાઈ ગઈ.

     છેવટે કાકાએ મોં ખોલ્યું, “ મેં તમને જે વાત કહી, તે બરાબર કહી છે. તમે આ નોકરી લેશો તો બહુ તકલીફમાં મુકાઈ જશો. જ્યાં છો ત્યાં જ પગારમાં ઘણો મોટો ફાયદો તમને બે જ મહીનામાં થવાનો છે. જો આ નવી નોકરીમાં જોડાશો તો બહુ મોટું આર્થીક નુકશાન તો તમને થશે જ; પણ એનાથી ઘણી વધારે ખરાબ બાબત એ છે કે, ત્યાં તમે બહુ મોટા રાજકારણમાં સંડોવાઈ જશો અને તમારી ઉંઘ હરામ થઈ જશે.”

\   અમે કાકાને નમસ્કાર કરી, ઘેર પાછા આવ્યા. બીજા દીવસે મેં ‘ના’ નો જવાબ આપી દીધો. અને મારા આશ્ચર્ય વચ્ચે બરાબર બે મહીના બાદ અમારા ઓફીસર યુનીયનની માંગણીનો કમ્પનીની મેનેજમેન્ટે આંશીક સ્વીકાર કરી લીધો અને મારા પગારમાં 40 % જેટલો વધારો મળી ગયો. પાછલી તારીખથી વધારો મળવાના કારણે મને 47,000 રુ. જેટલી રકમનો ચેક પણ મળી ગયો. ( એ જમાનામાં આ બહુ જ માતબર રકમ ગણાતી હતી.)

    એટલું જ નહીં ; છ મહીના બાદ મને જે સ્થાન મળવાનું હતું, તેના પર જે સજ્જન નીમાયા હતા, તેમને કશાક કામ અંગે મારે મળવાનું થયું. થોડીક જ વાતચીત બાદ મને ખ્યાલ આવી ગયો કે, એમની પાસે કોઈ સત્તા તો ન જ હતી; પણ કામ કરવામાંય અસંખ્ય વીઘ્નોથી એ ઘેરાયેલા હતા. સરકારી ખાતામાંથી ડેપ્યુટેશન પર એમની નીમણુંક થઈ હતી. બીજા સ્રોતો મારફત માહીતી પણ મળી કે, ડેપ્યુટેશન ભથ્થું જતું કરીને પણ, પોતાના મુળ સ્થાન પર પાછા જતા રહેવા, એ આકાશ પાતાળ એક કરી રહ્યા હતા.

   મને મારી પત્નીની કોઠાસુઝ અને કાકાની આર્ષદૃષ્ટી માટે માન થઈ આવ્યું.

   આમ તો મને જ્યોતીષ શાસ્ત્રમાં શ્રધ્ધા નથી. પણ કાકા પાસેથી મળેલા સચોટ માર્ગદર્શનનો આ ત્રીજો અનુભવ હતો. એમાંના બીજા એક કીસ્સા વખતે કે, જ્યારે હું અનેક આપત્તીઓમાં ઘેરાયેલો હતો; મારે રહેવાના સ્થળના પણ ફાંફાં હતા; ત્યારે તેમણે ભવીષ્ય કથન કર્યું હતું કે , “તમે કદી પોતાના મકાનમાં નહીં રહો; હમ્મેશ આલીશાન મકાનમાં જ રહેશો; અનેક વાર પરદેશ ગમન કરશો; અને લાંબા કાળ માટે પરદેશ પણ રહેશો.” આ બધી બાબતો સાવ સાચી નીવડી ચુકી છે.

     બીજી ઘણી વખતે, અમે ગરજ અને સંજોગના કારણે, વ્યવસાયીક રીતે મોટા નામ ગણાય તેવા મહાન શાસ્ત્રીઓ પાસે, મોટી રકમ ગુમાવીને સાવ ખોટાં અને ભ્રામક ગપગોળામાં ફસાઈ ચુક્યા છીએ.

     પણ કાકાની આ શક્તીની પાછળ કેવળ જ્યોતીષશાસ્ત્રનું જ્ઞાન જ ન હતું . તેમની આંતરીક પ્રજ્ઞા બહુ ઉચ્ચ કક્ષાએ વીકાસ પામેલી હતી.

     સીડી ચઢતાંની સાથે જ ‘તમે જ્યાં છો, ત્યાં બરાબર છો.’  એ વાક્ય હજુ પણ ઘણી વખત યાદ આવી જાય છે.

19 responses to “જ્યાં છો ત્યાં બરાબર છો – એક સત્યકથા

  1. Chirag Patel એપ્રિલ 28, 2009 પર 7:18 એ એમ (am)

    રસપ્રદ પ્રસંગો છે. સાચે જ આપણે ત્રીપરીમાણ પર કાબુ મેળવ્યો છે એવો જો કાળ ઉપર પણ કાબુ આવે તો આવુ શક્ય બને.

  2. pragnaju એપ્રિલ 28, 2009 પર 9:32 એ એમ (am)

    સરસ વાત
    ચાંગદેવે કાળ પર કાબુ કરવાની કળા હસ્તગત કરી લઈને ૧૪૦૦ વરસનું આયુષ્ય સાધ્ય કર્યું હતું, ને જ્ઞાનેશ્વર પાસેથી શાંતિ મેળવી હતી. વ્યાસ ને નારદ તથા હનુમાન અમર ગણાય છે,

  3. sapana એપ્રિલ 28, 2009 પર 10:36 એ એમ (am)

    Nice story sureshbhai,
    I have similar story about my nephew .He made mistake and took the job.Now….
    Sapana

  4. MANAV PATEL એપ્રિલ 29, 2009 પર 8:21 એ એમ (am)

    ASTROLOGY IS MONEY MAKING SCIENCE , IT’S 101% TRUE. IT’S MY OWN EXPERIENCE .

    TATHASTU.

    MANAV.

  5. જીતેઁદ્ર ત્રીવેદી એપ્રિલ 29, 2009 પર 8:53 એ એમ (am)

    જય શ્રી ક્રુષ્ણ

    જાની કાકા આપે ખુબજ રસપ્રદ વાત કરી છે. આપે જે સત્યઘટના લખી છે તેવિ અઢળક ઘટનાઓ ભારત ના અલગ અલગ રાજ્યોના અલગ અલગ શેહરોમાઁ મળી રેહશે.

    ભારતમાઁ બનતી અથવા બની ચુકેલી ગેબી/રહસ્યમય/ આધ્યાત્મીક ઘટનાઓ ના પ્રસઁગ એટલા બધા છે કે તેની ચર્ચા માટે એક અલગ લેખશ્રેણી પણ કદાચ નાની પડે.

    પ્રણામ

    જીતુ

  6. Rajiv Jani એપ્રિલ 29, 2009 પર 8:59 એ એમ (am)

    I have some positive experiences about astrology in the past but as you rightly said, one has to get the right person as an astrologer to develop/lose faith. There are mind development techniques which if mastered, can provide us control over our life situations.

  7. Capt. Narendra એપ્રિલ 29, 2009 પર 10:59 એ એમ (am)

    તમારો અનુભવ વાચકને એક ઉંડાણભર્યા વિષય તરફ જરૂર લઇ જાય. આવા અનુભવ પછી માણસ વિચારમાં જરૂર પડી જાય કે કેટલાક સજ્જનો પાસે એવું એક પરિમાણ કે પરાશક્તિ છે જેનો ખુલાસો કરી શકાતો નથી. તમારી વાત અમારી સાથે share કરવા માટે આભાર.

  8. યશવન્ત કે.શાહ એપ્રિલ 29, 2009 પર 11:14 એ એમ (am)

    મને પણ આવોજ અનુભવ સદગત શ્રી કાપડિયા સાહેબ ના ભવિશ્ય કથન મા થયેલ.
    તેમણે મારો દુબઈ નો જોબ કોન્ટૃક્ટ જરુર થશે, મારા જોબ કોન્ટૃક્ટ ની ટરમીનેશન નોટિસ જરુર
    પાછી ખેચાશે તથા કુવૈત સરકાર ના રેડ ઍલર્ટ છતા પણ સદ્દામ હુસેન ફરી ને કુવૈત મા નહી આવે
    ની આગાહી સચોટ કરી હતી.

    આ વાત જયારે મે નોકરી છોડેલ એક વખત ના મારા બોસ અને પછી મિત્ર બનેલ જહાજ ના
    ભતપુર્વ કેપ્ટન ફારુક હસનને કરેલ ત્યારે તેણે મને તેનૉ ફૉટોગ્રાફ કાપડિયા સાહેબ ને બતાવી
    તેના ભવીશ્ય કથન માટે કહેલ. કેપ્ટન હસનનો ફૉટોગ્રાફ જોઈ ને કાપડિયા સાહેબ કહે તૅને
    પુછી જોજે કે તેની પત્ની ને મિસ -કેરેજ / પ્રસુતિ મા તકલીફ બાદ તેના લગ્ન જીવન મા
    ભન્ગાણ થયેલ ? મે જ્યારે દુબઈ પહોચી તેને આ વાત કરી ત્યારે તે તાજ્જુબ થઇ ગયા.
    કારણ કે તેની પત્ની ને હાર્ટ ની તકલીફ ના કારણે લન્ડન મા ઍબોરશન કરાવવુ પડૅલ.
    તેમની પહેલી પત્ની ના દિકરા બાબત બન્નેના સબન્ધ બગડ્યા અને બે અઠવાડિયા પહેલા જ
    કેપ્ટન સાહેબ લન્ડન મા ડિવોર્સ લઈ, કરાચી મા મોટિ બેન પાસે મન હળવુ કરી દુબઈ
    આવેલ. મતલબ કે ડિવોર્સ બાબત કરાચી મા તેમના બેન શિવાઈ કોઈ જાણતુ ન્હોતુ.

    આ વાત મે જ્યારે મારા કુવૈત ના રુમમેઈટ લલીત ભાઈ સાથે ડીસ્કસ કરી ત્યારે તેમણે
    મને કહયુ કે “જે લોકો એ પ્રેતાત્માને સાધ્યા હોય તે તેના દ્વારા આવા કથન કરી શકે છે”
    આ અભીપ્રાય તેમણે તેમના પોતાના અનુભવ દ્વારા મને સમજાવેલ.

  9. યશવન્ત કે.શાહ એપ્રિલ 29, 2009 પર 11:29 એ એમ (am)

    DESPITE PROGRESS, MODERN SCIENCE DOES NOT HAVE ANSWERS TO ALL THE QUESTIONS. THAT IS WHERE
    “SPIRITUALITY” COMES INTO PICTURE.
    THOSE INTERESTED MAY KINDLY
    VISIT THE WEBSITE:

    http://www.spiritualresearchfoundation.org/

  10. Maheshchandra Naik એપ્રિલ 29, 2009 પર 11:32 એ એમ (am)

    My Dear Shri Sureshbhai, it remainds me in my life I had a semiliar experince , when I was to leave Nationalised Bank and thought of joining Co-Operative Bank in senior position,, and how it is to be advantageneous, that I got advice from my uncle and 80 yeras, Shri Dhirajlal V Desai of Surat, retired businessman, multi millionar & non commercial astrologer for more than 40 yeras, and predicted many more life reading & provide guidance,( for me and my family) and must have assisted thousands of families of Surat. He used to give asrological advice to two/three person daily without any CHARGES/INTEREST(FINANCIALLY OR OTHER), he also visited USA twice and assisted many family. He died at the age of 93 years.

  11. Harnish Jani એપ્રિલ 29, 2009 પર 11:52 એ એમ (am)

    Astrology is pure “Bakvaas”
    How many Jyotish-Astrologer won the lotary-
    99% Astrolofers are living poorly and 1% are good psycologists.

    Secondly- Sureshbhai- How can you say -“you dont believe in Astrology_

  12. Suresh Jani એપ્રિલ 29, 2009 પર 12:01 પી એમ(pm)

    પણ કાકાની આ શક્તીની પાછળ કેવળ જ્યોતીષશાસ્ત્રનું જ્ઞાન જ ન હતું . તેમની આંતરીક પ્રજ્ઞા બહુ ઉચ્ચ કક્ષાએ વીકાસ પામેલી હતી.
    —————–
    When we meet such people, we start a thinking.
    Astrology may be a science/ art . But majority of astrologers are ‘Bakavas’/ commercial people. I have no faith in them.

  13. Nitin એપ્રિલ 29, 2009 પર 10:35 પી એમ(pm)

    Jani Sir,

    Yes. I do believe in astrology. If you are in real trouble ONE should take help. One more thing as per my experience, If you want to do something & astrologer don’t tell the same thing, you can go to next.

  14. rekha Sindhal એપ્રિલ 30, 2009 પર 3:27 એ એમ (am)

    many astrologers are into making money without having enough knowledge but it is a science based on calculations. some time the base is wrong and sometime given birth time is not as accurate. I belive in astrology but not in astrologers. it is extremly hard to find a true one.

  15. dhufari એપ્રિલ 30, 2009 પર 8:24 એ એમ (am)

    શ્રી જાનીભાઇ
    હું શ્રી જીતેન્દ્ર ત્રિવેદીના વિચાર સાથે સહમત છું.આવી ઘટનાઓ વિષ્વમાં અન્યત્ર બનતી હશે
    એવી એક ઘટના મારા સાથે પણ બની છે.ત્યારે હું ઓમાનમાં મે.ખીમજી રામદાસ-મસ્ક્તમાં કામ કરતો હતો.કંપનીના ડાયરેક્ટર શ્રી કનક્શી ખીમજીના આમંત્રણને માન આપી ગોંડલવાળા રાજયાશાસ્ત્રીજી અનંતપ્રસાદજી જેઓ “ભગવતચાર્ય,ગોલ્ડમેડલિસ્ટ,જ્યોતિશ રત્ન વેદાચાર્ય જેવી ડીગ્રીઓ ધરાવે છે મસ્કત પધારેલ.તેમને મારા સુપુત્ર પિયુષના જન્માક્ષર બતાવેલ તેમણે સ્વ હસ્તે જે કંઇ લખી આપેલ તે બધું સત્ય સાબિત થયું છે.
    અસ્તુ
    પ્રભુલાલ ટાટારીઆ”ધુફારી”

  16. RAMESH K. MEHTA મે 4, 2009 પર 12:57 એ એમ (am)

    BELIEVE IT OR NOT

    IF YOU KNOW ASTROLOGY IS REAL SCIENCE. BUT IF YOU DOSENT KNOW ANYTHINK OUT THIS SICIENCE IT IS HUMBUK.

તમારા વિચારો જણાવશો?

Please log in using one of these methods to post your comment:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

%d bloggers like this: