સૂરસાધના

ગુજરાતી લેખિનીમાં સ્વૈરવિહાર

‘ઓહ માય ગોડ’ – નાસ્તિકના ભગવાન!

કોમેન્ટ આપવા ખાસ વિનંતી !

આ મસ્ટ સી ફિલ્મનો રિવ્યુ લખવા અહીં આશય નથી. પણ અમદાવાદમાં ટિકુ તલસાણિયાના અભિનય સાથે ‘ કાનજી વિરુદ્ધ કાનજી’ જોયા બાદ , એ અદ્‍ભૂત કથાવસ્તુ સાથે પ્રથમ પરિચયે પ્રેમ થઈ ગયો હતો.

આજે એની ફિલ્મ આવૃત્તિ જોઈ મન પ્રસન્ન થઈ ગયું. નાસ્તિકતા અને આધ્યાત્મિકતાની વચ્ચે ગોથાં ખાતા આ જીવને સધિયારો મળ્યો કે, નાસ્તિક હોવા છતાં ઈશ્વરમાં માનવું એકદમ બરાબર છે !

પૂર્ણ ધાર્મિક અને પૂર્ણ રેશનલ – બન્નેને પાઠ ભણાવી જાય એવું આ નાટક અને આ ફિલ્મ જોવા ખાસ ભલામણ.

————-

‘રીડ ગુજરાતી’ પર સરસ રિવ્યુ અહીં વાંચો …

વાચકોને એક સવાલ …..

આ અદ્‍ભૂત કથાવસ્તુના મૂળ લેખક કોણ ? 

Advertisements

7 responses to “‘ઓહ માય ગોડ’ – નાસ્તિકના ભગવાન!

  1. kanakravel ઓક્ટોબર 6, 2012 પર 7:50 પી એમ(pm)

    આ નાટક કે મુવી જોવા તે ક્યાં મળે? તમારો પ્રસ્તાવ લાલચ કરાવે છે.

    મ્રુગેશભાઈનું બ્યાન રસથી વાંચ્યું.
    તે લખે છે
    “ધંધામાં અનેક જાતના ગોટાળા કરીને તમે શનિવારે હનુમાનજીને તેલ ચઢાવો એનો શો અર્થ છે ?”

    વર્ષો પહેલાં ‘કુમાર’માં સચિત્ર જોક વાંચી હતી.
    ગામનો નગરશેઠ હનુમાનજીની મુર્તિને પ્રાર્થે છે “હનમાન ડાડા, પાશેર તેલ ચડાવુ છું, લાખ રુપિયા આપજો”

    મુર્તિમાંથી બજરંગબલી કુદી પાડીને ગદા મારે છે,
    “મુરખ વાણિયા, મારી પાસે લાખ રુપિયા હોતતો તે ખર્ચી તેલનો હોજ ભરાવીને તેમાં કુદકા ના મારું ?””

  2. નિરવ ની નજરે . . ! ઓક્ટોબર 7, 2012 પર 12:11 એ એમ (am)

    1} ભાવેશ માંડલિયા { મૂળ કથા } + ઉમેશ શુક્લ { ત્યારબાદ બંનેએ સાથે તેના પર વધુ સુધારા વધારા કર્યા .}

    2} અને છેલ્લે , તે પણ કદાચ ૨૦૦૧મા આવેલ The man who sued God પર આધારિત હતી !

  3. Sharad Shah ઓક્ટોબર 8, 2012 પર 6:28 એ એમ (am)

    પ્રિય સુરેશભાઈ;
    પ્રેમ.

    “આજે એની ફિલ્મ આવૃત્તિ જોઈ મન પ્રસન્ન થઈ ગયું. નાસ્તિકતા અને આધ્યાત્મિકતાની વચ્ચે ગોથાં ખાતા આ જીવને સધિયારો મળ્યો કે, નાસ્તિક હોવા છતાં ઈશ્વરમાં માનવું એકદમ બરાબર છે !

    પૂર્ણ ધાર્મિક અને પૂર્ણ રેશનલ – બન્નેને પાઠ ભણાવી જાય એવું આ નાટક અને આ ફિલ્મ જોવા ખાસ ભલામણ.”

    મેં ફિલ્મ તો જોઈ નથી એટલે ફિલ્મ વિષે અભિપ્રાય આપી શકું તેમ નથી. પરંતુ લોકોના અભિપ્રાય પરથી એકવાત તો ફલિત થાય છે કે ફિલ્મનુ ડાયરેક્શન સારું છે, પરેશ રાવલ, મિથુન ચક્રવ્રતિ, અક્ષયકુમાર અને કદાચ અન્ય કલાકારોનો અભિનય સારો છે અને ડાયલોગ અને થીમ સારી છે. ધર્મને (ખાસ કરીને હિન્દુ) નામે ચાલતા ધાર્મિક પાખંડો અને દેખાડાને ખુલ્લા પાડવાનુ અને તે અંગે તર્ક બધ્ધ દલીલો દ્વારા લોક જાગૃતિના આશયથી આ ફિલ્મ બનાવી છે. આવું કાંઈક ફલિત થાય છે.ફિલ્મ બાબતે હું કદાચ ખોટો પણ હોઈ શકું છું.
    પણ માણસનુ(મારું) મન હું ઘણા સમયથી વાંચી રહ્યો છું એટલે મનની ક્રિયા-પ્રતિક્રિયાને હું ઘણી સારી રીતે સમજ્યો છું અને અહીં તમારા વક્તવ્યોમાં જે તમારું મન છતું થાય છે તે આ મુજબ છે.
    પ્રથમ તો આપ કહો છો કે, “ફિલ્મની આવૃતિ જોઈ મન પ્રસન્ન થઈ ગયું.”
    મન પ્રસન્ન ક્યારે થાય છે? એ કદી ઓબઝર્વ કર્યું છે? મારી સમજ મુજબ મનનુ ધાર્યું થાય કે કહો મનને ગમતું કાંઈક થાય ત્યારે મન પ્રસન્ન થઈ જાય છે પણ તેને અને સત્યને કોઈ લેવાદેવા નથી. સત્યનો શોધક મનની પ્રસન્નતાને આધારે સત્ય કે અસત્યનો નિર્ણય ન કરી શકે.
    બીજું આપ લખો છો,”નાસ્તિકતા અને આધ્યાત્મિકતાની વચ્ચે ગોથાં ખાતા આ જીવને સધિયારો મળ્યો કે, નાસ્તિક હોવા છતાં ઈશ્વરમાં માનવું એકદમ બરાબર છે !”
    બ્રાહ્મણના ઘરમાં દેહ જનમ્યો છે એટાલે બ્રાહ્મણના સંસ્કારો ઉંડે ઉંડે પડેલા છે જે ઈશવરના અસ્તિત્વને ઈન્કાર કરી શકે તેમ નથી. પણ વિદ્યા અભ્યાસ અને ઈતર વાંચને બુધીનો વિકાસ થયો અને કોઈપણ વસ્તુને તર્કના એરણ પર કસવાની આદત પડી એટાલે ધર્મિક ક્રિયાકાંડોમાં પાખંડ દેખાય તે સ્વાભાવિક છે. હવે સંસ્કારો અને બુધ્ધી વચ્ચે યુધ્ધ ચાલુ થયું અને જેનુ કોઈ સમાધાન મળતું નથી. સંસ્કારો એક વાત કરે છે અને બુધ્ધી બીજી. મનની આવી પરિસ્થિતિમાં આવીજ વાત દર્શાવતી ફિલ્મથી અભિભુત થવું સામાન્ય છે. હકિકતમાં આપણી સત્યસ્ની ખોજ ઓછી હોય છે પણ હું જે માનુ છું તેને સમર્થન કરનાર આપણને વધુ જચે છે પણ દેખાતુ નથી કે હું જે માનુ છું તે જો સત્ય હોય તો સત્યની સુગંધ જીવનમાં કેમ નથી? જીવનમાં કોઈ ફુલ ખિલ્યા કેમ નથી? એનો મતલબ જ છે કે મારી માન્યતાઓ ભૂલભરેલી છે પણ તે સ્વિકારવા મન તૈયાર નથી થતું અહમનો આ ખેલ છે પણ દેખાતો નથી.એટલી સઘન બેહોશી છે.
    વળી આપ લખો છો કે,”પૂર્ણ ધાર્મિક અને પૂર્ણ રેશનલ – બન્નેને પાઠ ભણાવી જાય એવું આ નાટક અને આ ફિલ્મ જોવા ખાસ ભલામણ.”
    મારી સમજ મુજબ પૂર્ણ ધાર્મિક જ પૂર્ણ રેશનલ હોઈ શકે. પૂર્ણ ધાર્મિક અને પૂર્ણ રેશનલ વિરોધાભાસિ નથી પ્રર્યાય છે. એટલે પૂર્ણ ધાર્મિકને કે પૂર્ણ રેશનલને કોઈ પાઠ ભણવાની જરુર જ નથી બધા પાઠ ભણી લીધા પછી જે ત્યાં સુધી પહોંચાય છે. જે પાઠ ભણવાના છે તે મારે-તમારે ભણવાના છે અને ફિલ્મજોવાથી નથી ભણાતા પણ મનમાં ચાલતી ફિલમ જોવાથી ભણાય છે. જરા મનમાં ચાલતા વિચારો, ભાવો અને નિંદ્રામાં ચાલતી સ્વપ્નની ફિલ્મનો અભ્યાસ કરજો એટલે મારી વાત સમજાઈ જશે.
    હા, તમે કહેવાતા ધર્મિક અને કહેવાતા રેશનલની વાત કરતા હોય તો બરોબર છે.પણ એ લોકો પાઠ ભણે છે ઓછા અને લોકોને ભણાવે છે વધુ. એ બધા પરોપકારી જીવો છે. તેમનુ ફોકસ સમાજ સુધારણા છે સ્વ સુધારણા નહી.
    મને લાગે છે મારી આ કોમેન્ટ આકરી લાગે પણ તમે આગ્રહવશ પૂછી છે એટલે આપું છું.બાકી ડોઝ વધુ પડતો થઈગયો હોય તો કચરા ટોપલી તો છે જ.
    શેષ શુભ.
    પ્રભુશ્રીના આશિષ;
    શરદ.

  4. priteshmmodi નવેમ્બર 13, 2012 પર 5:38 એ એમ (am)

    ખરેખર સરસ પિક્ચર છે .
    તમને મારા બ્લોગ ની મુલાકાત લેવા આમંત્રું છું .
    http://www.pmmodi.wordpress.com

  5. puthakkar ડિસેમ્બર 17, 2012 પર 7:57 એ એમ (am)

    @Sharadbhai Shah..‘‘ધર્મને (ખાસ કરીને હિન્દુ) નામે ચાલતા ધાર્મિક પાખંડો અને દેખાડાને ખુલ્લા પાડવાનુ અને તે અંગે તર્ક બધ્ધ દલીલો દ્વારા લોક જાગૃતિના આશયથી આ ફિલ્મ બનાવી છે. આવું કાંઈક ફલિત થાય છે.ફિલ્મ બાબતે હું કદાચ ખોટો પણ હોઈ શકું છું.’’

    શરદભાઇ, આપે ફિલ્મ જોઇ નથી એવી સ્પષ્ટતા કરેલી જ છે અને સંભવતઃ આપ ખોટા હોઇ શકો એમ પણ આપે જણાવેલુ જ છે. પણ જેઓએ આ ફિલ્મ જોઇ છે તેમના અભિપ્રાયોના આધારે આપે વર્ણવેલું ઘણું સચોટ છે.. પૂર્તતા કરવાની કે, ફિલ્મમાં ક્રિશ્ચિયાનીટી કે મીણબત્તીઓ પ્રગટાવે છે અને ઇસ્લામ કે જેઓ મઝાર પર ચાદરો ચઢાવે છે તેના વિષે પણ ટીકા થઇ છે.. અને કૃષ્ણની હિંદુ ફીલોસોફીને, અલબત્ત ધાર્મિક પાખંડના ટીકાત્મક દૃશ્યો ફીલ્માવીને, પ્રાધાન્ય પણ આપવામાં આવ્યું છે. કાનજી ભગવાનની ટીકાઓ કરે છે અને પૈસા પેદા કરવા થોડા કુકર્મો કરે છે એનો એને જાણે કે, ભગવાન બદલો પણ આપે છે. ગીતા, બાઇબલ, કુરાન વગેરે શાસ્ત્રો જીવન જીવવાની રીત શીખવે છે; એનો આદર અને મહીમા પણ અત્યંત સચોટ રીતે વધાર્યો છે. ગીતાનો બોધ કે જેઓ મને જે સ્વરૂપે ભજશે તેઓને હું તે સ્વરૂપે દેખાઇશ… ને સચોટ રીતે આ ફીલ્મમાં પીક્ચારઇઝેશન કર્યો છે… જ્યારે અક્ષયકુમાર કૃષ્ણ બનીને કાનજીને ત્યાં આવે છે ત્યારે કહે છે કે, તમે ક્રિશ્ચિયન હોત તો, જીસસ ક્રાઇસ્ટ પણ હિંદુ છો માટે કૃષ્ણ… એ સંવાદો સરસ ફીલોસોફીથી ભરપૂર પણ હળવી શૈલીના છે.. જે બધાને ગમી જાય છે..તે આ ફિલ્મની સાર્થકતા છે. આમ, હિંદુ ધર્મનો મહીમા આ ફિલ્મમાં ઘણો વધારવામાં આવ્યો છે અને કોર્ટમાં છેલ્લે થતી દલીલો નો આધાર કોઇ કાયદાની કલમો નહીં પણ ગીતાના શ્લોકો છે…. આ ફિલ્મ જોવાલાયક છે… એકથી વધારે વખત.. જોવાથી વધારે સમજાય તેવી છે.. જેમ ગીતા વધારે વખત વંચાય તેમ વધારે સમજાય તેમ જ…..

તમારા વિચારો જણાવશો?

Please log in using one of these methods to post your comment:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: