જમીન પર રહીને એક ઉંચી ઉડાન – ૨

હવે ૩,૦૦૦ વાચકો ધરાવતી ‘પ્રતિલીપી’ વેબ સાઈટ પર આ પ્રેરણાદાયી વાર્તા પહોંચી ગઈ.

આ ચિત્ર પર ‘ક્લિક’ કરી તમારી ગિલ્લી ત્યાં પણ ફટકારો !!

થોડીક વાત આ વાર્તા અંગે….

1. આ વાર્તા સત્યકથા આધારિત છે; પણ એક વાત નોંધી લેવા જેવી છે કે, આવાં અસંખ્ય મલયો અને માલતીઓના પ્રદાનથી આપણે આ એકવીસમી સદીનાં માધ્યમનો ઉપયોગ કરી શકીએ છીએ. આ લખનારના જેવાં ૬૦ + અનેકોની હૈયાંની આશિષ એ સૌને છે .
2. JAVA, UNIX, WINDOWS, .NET, C,VB, ORACLE, PHOTO SHOP, INTERNET, JPG, BMP, YAHOO, GOOGLE And NORTON!!!  સાથે મલયની વાત ગુંથી લીધી- એ બહુ જ મજાની કલ્પના રહી.
3. ગિલ્લી એ બાળપણનું, રમતા રહેવાનું, સાવ નાનકડા હોવાનું પ્રતિક છે.
4. દંડો કુશળતાથી, પૂરા જોશથી ફટકારાય તો ગિલ્લી ઘણે દૂર પહોંચી શકે છે. અહીં ગિલ્લી ‘મલય’નું પ્રતિક પણ છે!
5. ‘જમીન પર રહીને’ શબ્દો ખાસ ઉદ્દેશથી વપરાયા છે. ‘Down to earth.’
    મહત્વાકાંક્ષાઓ અને સેવાની ભાવના ભલે આસમાનની બાબતો હોય; પ્રયત્નો તો જમીન પર રહીને જ કરવા પડતા હોય છે.
6. ‘માલતી’નો એકાદ લીટીમાં જ ઉલ્લેખ છે; પણં આવી દરેક સફળતા પાછળ તેના જેવી જીવનસાથીનું અમૂલ્ય પ્રદાન હોય જ છે – પાર્શ્વભૂમાં રહીને એમ પ્રદાન કરતા રહેવાનું પણ ગૌરવ છે.
7. વાર્તાની ‘છેલ્લી ગિલ્લી’  આ ‘બુડ્ઢા  બાળક’ની મલય – માલતી ને આશા ભરી આશિષ છે
   – નવા વરસમાં !