સૂરસાધના

ગુજરાતી લેખિનીમાં સ્વૈરવિહાર

છંદકણિકાઓ

     એક જમાનો હતો કે, આ જણ કવિતા પાછળ પાગલ હતો, સામ્પ્રત ગુજરાતી સાહિત્યમાં બહુ પ્રચલિત ગઝલો નહીં પણ, જૂના અને જાણીતા સંસ્કૃત છંદોમાં લખાયેલી રચનાઓ વધારે ગમતી. એ કાળ છેક ૧૯૫૭-૧૯૫૯ નો.

     પછી તો વિજ્ઞાન/ એન્જિ.ના અભ્યાસ અને વ્યવસાય, કુટુમ્બ અને સમાજના બંધનોના કુછંદમાં(!)  જકડાયેલા એ જણનો છંદરસ છુટી ગયો.

    આભાર નેટ મિત્ર અને ઉમરમાં લગભગ સમવયસ્ક,  શ્રી.જુગલકિશોર વ્યાસનો કે, એ રસ તેમણે ફરીથી જાગૃત કર્યો અને બહુ પ્રેમથી એ છંદોનું જ્ઞાન તાજું કરી દીધું.

    એના પ્રતાપે ફરી આ જણ છંદમાં લવારા કરતો બની ગયો. તેમના સાથ અને સહકારથી બની ગયેલી એક રચના……

ગ્રીષ્મ

( વસંત તિલકામાં સોનેટ )

વાતો સમીર વીંઝતો અતિ ઉષ્ણ જ્વાળા
આદિત્ય આગ ઝરતો અરિ-આંખ કા’ઢે.
પૃથ્વી તણાં રજકણો શમશેર ભાસે
દાઝે બધાંય જન આ અસુરી પ્રતાપે.

(અહીં ક્લિક કરો.)

      એ જૂની પુરાણી યાદો આજે શા માટે?

     ઉમરમાં ઘણા મોટા એવા બીજા એક નેટ મિત્ર, શ્રી. પી.કે. દાવડાએ નીચેની છંદકણિકાઓ મોકલી અને એ મધુર યાદો  પુનર્જિવીત થઈ ગઈ. દાવડાજીના આભાર સાથે એ કણિકાઓ પ્રસ્તુત છે –

છંદમાં છંદ

મંદાક્રાંતા, સરળ રચના, આગવી ને અનેરી   

મધુરો ને મીઠો, રણઝણ થતો તું શિખરિણી    

નવીન રચના કરો, સરળ રીત પૃથ્વી મહીં 

સાદો સીધો, ભલો ભોળો, છંદ છે આ અનુષ્ટુપ

સિંહોની ડણકો સમો ગરજતો, શાર્દુલવિક્રીડીતો

ધીરે ધીરે છટાથી, રસમય થતો  સ્ત્રગ્ધરા છંદ થાયે.

મધુર મધુર કાવ્યો, માલિની માં મળે છે

રૂડો વસંતતિલકા સમજાવ આજે

આવો રચાવો લય ઇન્દ્રવ્રજ્રા

 પી. કે. દાવડા

One response to “છંદકણિકાઓ

  1. સુરેશ September 23, 2015 at 10:21 am

    પ્રજ્ઞાબેનના ઈમેલમાંથી ગમી ગયેલી કુછંદની આ પદ્યરચના …

    એજ આવી પૂછે છે,
    કોની છે આ લાશ્,
    સંગનો રંગ
    ચઢ્યો કવિતામા
    કુછંદ છંદ !

તમારા વિચારો જણાવશો?

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: