રાખ

‘રાખ’ શબ્દના બે અર્થ થાય છે –  ash, keep

રાખી લેવા જેવી આ રાખ ગમી ગઈ !

રાખમાં વાળું છું
વેદનાની ક્ષણો.
વેદિમાં સંસ્કાર પામેલી ક્ષણો,
રાખની
ધૂણાની રાખ
ચિતાભસ્મ આરતી પછી
શિવની ભભૂત
બળે સ્મશાનની ધૂળમાં, ઊગે ધાસ,
ચરે ગામો સ્રોતસ્વિની.
રાખનું પણ છેવટે સત્ય નથી.
તમે નથી,
હું નથી,
પછી જે છે તે છે.

– રધુવીર ચૌધરી

આખી અછાંદસ રચના નીચેના ચિત્ર પર….

આ ચિત્ર પર ક્લિક કરો.

કવિતાની એકે એક પંક્તિ આપણને વિચારતા કરી દે છે. પણ … એ વિચારોના અંતે ફળશ્રુતિ કદાચ આ જ નીસરે…

આ શબ્દ ચિત્ર પર ક્લિક કરી, એ કયા હોવાપણાંની ફલશ્રુતિ છે – તે આસ્વાદો….

અને છેલ્લે …
શ્રી. રઘુવીર ચૌધરી વિશે જાણો….અહીં

ટચ થેરાપી – ધીરૂભાઇ વૈદ્ય

                    

                      મા, જ્યારે તેં કહ્યું

                     “લાવ….જરા, તારા ગાલે હાથ ફેરવવા દે” 

                     અને….તે મને સ્પર્શ કર્યો,

                     ને…………..જાણે……………

                    મારી ત્વચા પર

                   લીલુછમ્મ  ઘાસ

                   કેમ ઉગી નીકળે છે.!?

                  મારૂં દિલ

                  બરફસી શિતળ

                  ઠંડક કેમ અનુભવે છે !?

                 મારૂં દિમાગ

                 સ્વર્ગસી સુગંધથી

                 કેમ મહોરી ઉઠે છે !?

               મારા અંગેઅંગમાં

               અવર્ણનીય – અકલ્પનીય

               કળ કેમ વળે છે !?

               બધો ઉચાટ શમી જાય છે.

               બધો થાક ઉતરી જાય છે.

               બધા દુ:ખો વિસરાય જાય છે.

               પ્રશાંત નિદર આવી જાય છે.

 

              નવું જોમ………..નવી તાજગી

              નવો ઉત્સાહ…….નરી  પ્રસન્નતા

              રોમ-રોમમાં…….પ્રસરી જાય છે.

 

             કદાચ એને જ…………………

        ટચ થેરાપી કહે છે.

——————————

               ( ક્યાંક વાંચેલુ, સ્મૃતિના આધારે ) ધીરૂભાઇ વૈદ્ય – સૂરત

શ્વેત પર છાયી – શ્રી. કનક રાવળ

મારાથી ઉમ્મરમાં કમસે કમ ૧૨ વર્ષ મોટા, બુઝુર્ગ મિત્ર શ્રી. કનક રાવળનું આ પ્રણયકાવ્ય વાંચતાંની સાથે જ ગમી ગયું.

મૂળ પી.ડી.એફ. ફાઈલમાંના ‘ ગોપિકા’ ફોન્ટમાંથી રૂપાંતરણની મજા પણ ભરપેટ માણવા મળી.

————————————

પારિજાત

સમો દીવાળીની રાત, શરદના શીતળવા

ટમટમ્યાં અગણીત તારક તારિકા અમાસ આકાશે

રચાયો રાસ રત્નરાશીનો

આનંદ ઓઘ વરતાયો નભમંડળે

પલકારામા ભાગ્યા સૌ નિજી સ્થાને ભુલી પાછળ ઓંછાયા

આવતાં સવારી ભવ્ય સૂર્ય મહારાજની

ઝાકળભીની હતી ભૂમિ શેફાલી વૃક્ષ તળે

પથરાયાં ત્યાં શ્વેત પારીજાત પુષ્પો

જુક, પંચપત્તી, રક્‌તશીખાધારી

મઘમઘી દિશાઓ પૂષ્પગાને,

યાદી ભરી ગતરાત્રી સંવનોની,

મનોકાશમાં સમાયા સૌ સ્મરણો,

થયું ભાથુ ભેગું અતિત ઓવારે

રહી બાકી શ્વેત પરછાયી

– ધરી રક્‌તબીંબ અધરે

—————————————

– કનક રાવળ, જાન્યુઆરી ૨૦૦૩

રંગરાગ – ચીમન પટેલ ‘ચમન’

આજ
ધુળની જેમ
ઉડી રહી રંગની છોળો
એકલવાયા
મારા મનને
શીદ આવી ઢંઢોળો ?

રંગ ઘોળ્યો, દીલડું ડહોળી
ભરી પીચકારી એમાં બોળી.
પણ-
રમવી કોની સંગમાં હોળી ?

આજ તો,
મારેય છે રંગા’વું,
પીચકારીએ છે છંટા’વું
સંગે રમી
રંગે રમી
દીલડું મારેય છે બહેલા’વું !

ઉરના કો એકાંતે
આવી ‘એ’ લઈ પીચકારી
રંગી દીઘો
ભીંજવી દીઘો
મને એના કસુંબલ રંગથી !

ત્યારથી-
એ રંગરાગમાં
એની સંગમાં
આજ લગી રંગાયેલ છું !!

– ચીમન પટેલ ‘ચમન’

વેલેન્ટાઇન – ચીમન પટેલ ‘ચમન’

વેલેન્ટાઇન આવે વર્ષે એક વાર,

ગોપીઓએ ઉજવ્યા બારે બાર માસ!

 

ચીમન પટેલ ‘ચમન’

જીવન – શાંગ્રીલા પંડ્યા

જીવન છે સંગ્રામ
પળો છે હારજીતની.

કરે ય આશ નિરાશ
ને લાવે ચડતી પડતી.

સાથે સુખદુખ લાવે
પળો યે હસતી રડતી. 

જીવન છે સંગ્રામ  
અરે! મારા તારાનો

ભેદ કરાવે દુર સ્વજનને
અંતરમાં કડવાશ જગાવે.

સુખદુખમાં જે વીર ટકે તે
સાચું  જીવન જીવી જાણે.

– શાંગ્રીલા પંડ્યા

મીત્રતા – પીન્કી પાઠક

સ્નેહના સરવાળા, બુરાઈની બાદબાકી,
ગુણોના ગુણાકાર, ભ્રમનો ભાગાકાર,

– એ જ મીત્રતા

–  પીન્કી પાઠક

મેઘધનુશ્ય – પીન્કી પાઠક

વરસે અનરાધાર,
કોરુંધાકોર દીલ-
આજ ભીંજાયું ને,
સર્જાયું મેઘધનુશ્ય.

– પીન્કી પાઠક

સરીતા – પીન્કી પાઠક

ના સરીતાનો કોઇ આરો,
કોરો ને કોરો કીનારો.

– પીન્કી પાઠક

સ્મૃતીપુશ્પો – પીન્કી પાઠક

સ્મૃતીપુશ્પો ખીલી ઉઠયાં,
કંટક જેવું ખુંચે શું ?

 – પીન્કી પાઠક