સૂરસાધના

ગુજરાતી લેખિનીમાં સ્વૈરવિહાર

Tag Archives: news

હવે નથી

અખિલભાઈ સુતરિયાના
પિતાશ્રી હવે નથી.

૭મી મે ૨૦૧૧ ની રાતે અખિલભાઈ પાલનપુર હતા; અને વલીદાની હોટલમાં એમની સાથે મળવાના હતા ત્યારે જ વલસાડમાં એમના પિતાશ્રીએ છેલ્લા શ્વાસ મૂક્યા.

અખિલભાઈને ડિસેમ્બરમાં મળ્યો; ત્યારે જતાં પહેલાં આગલી રાતે તેમનાં માતા અને પિતાને મળવાનું સદભાગ્ય પ્રાપ્ત થયું હતું. એમની બુઝુર્ગ ઉમ્મરે પણ એમનો જીવવાનો જુસ્સો જોયો; અને અખિલભાઈના ભેખ પાછળનો સ્રોત જાણવા મળ્યો. એમનાં માતા-પિતા સાથે અખિલભાઈની તસ્વીર ઝડપી શક્યો હતો – તે વાચકોના દર્શન માટે …..

શ્રી. અખિલ સુ્તરિયા - એમનાં માતા પિતાને ઘેર

પ્રભુ એમના આત્માને શાંતિ આપે અને અખિલભાઈ અને એમનાં કુટુમ્બીજનોને આ ભાર ખમવા શક્તિ આપે તેવી પ્રાર્થના.

કેલિફોર્નિયાના મિત્ર ડો. ચન્દ્રવદન મિસ્ત્રીએ સદગતને આપેલી, ભાવસભર શ્રદ્ધાંજલિ વાંચવા અહીં ‘ ક્લિક’ કરો.

અખિલભાઈ સાથેની મૂલાકાતનો ટૂંકો અહેવાલ વાંચવા અહીં ‘ ક્લિક’ કરો.

પ્રાણીપ્રેમ

સીંહ સાથે દોસ્તી

સીંહ સાથે સ્નાન

સીંહને વ્હાલ.. અને સીંહ કરે વ્હાલ.

ઝ્માં નહીં . લાન્સેરીયા, દક્ષીણ આફ્રીકાના જંગલમાં.

શીકારીઓથી પ્રાણીઓને બચાવતાં પ્રાણીઓ સાથે જીગરજાન દોસ્તી થઈ ગઈ.

અને લુચ્ચું પ્રાણી ગણાતા હાયેનાને પણ આ દોસ્તી  કબુલ મંજુર છે.

હાયેનાઓના ટોળામાં

પ્રેમ સાર્વત્રીક, સર્વકાલીન છે. નહીં વારુ?

સાભાર : શ્રી. વીપીન પુરોહીત

ચીર વિદાય – સ્વ. પ્રદ્યુમ્ન તન્ના

હવે તેઓ આ દુનિયામાં નથી.

હવે તેઓ આ દુનિયામાં નથી.

આદરણીય, પૂજ્યપાદ, 83 વર્ષના યુવાન શ્રી. પ્રદ્યુમ્ન તન્ના આ દુનિયા છોડીને સ્વર્ગના ફોટા પાડવા અને પોતાની કવિતાઓ દેવોને સંભળાવવા તા. 30 ઓગસ્ટ- 2009 ના રોજ સવારના 7-30 વાગે ઈટાલીમાંથી વિદાય થયા છે.

કેમેરાધારી, 78 વરસના યુવાન

શ્રી. હરનિશ ભાઈ જાનીના ઘેર તેમની સાથે ગાળેલી એ સાંજ ફરી કદી નહીં આવે.

આયો અષાઢ !

સઘન ગગન ઘન ગરજ સુણીને થર થર કંપ્યા પ્હાડ!

કાજળ ધેરાં વાદળ છાઈ દિશા ચૂવે અંધાર,

ઝબકે સબકે લબકે વીજ કરી નાગણ શા ફુત્કાર,

વન વન દંડન ખંડન કરતો સમીરણ પાડે ત્રાડ!

તેમની કાવ્ય રચનાઓ વાંચવા અહીં ‘ક્લીક’  કરો

—————————————————

આ દુઃખદ ખબર આપવા માટે શ્રી. હરનિશ જાનીનો બ્લોગ જગત વતી આભાર…

 

સામાન્ય માણસ – એક અભીયાન

એક સામાન્ય માણસ.

ટોળાંમાંનો માણસ

રસ્તે ચાલતો માણસ

ઓફીસમાં કારકુની કરતો માણસ

શાક સમારતી ગૃહીણી, બાળકને ધવડાવતી મા, ઈજનેર, ડોક્ટર, નર્સ, શીક્ષક, મેનેજર, ખબરપત્રી, પ્રોગ્રામર, સૈનીક, પોલીસ, ડ્રાઈવર, પાઈલોટ .. નાની મોટી નોકરી કે, નાનો મોટો ધંધો કરતો માણસ

થોડો ઉંચો કે નીચો માણસ.

કશું ન ભણેલો, થોડું ભણેલો કે બહુ ભણેલો માણસ.

કામ કરતો કે બેકાર કે મોટો વેપલો કરતો માણસ.

ટોળાંમાં બધાંની લગોલગ કે સહેજ ઉંચા પથ્થર પર કે ઓટલા પર ઉભેલો માણસ

– અરે! બહુ બહુ તો સ્ટેજ પર બેઠેલો અને બે ચાર ભાષણ કરી, વીસરાઈ જતો માણસ.

,,,,,,,,,,,,,,,,,,,

શું વીશેષ છે આ સામાન્ય માણસમાં?

કશું જ નહીં.

અને છતાં પણ  ..

તમારા, મારા જેવા સામાન્ય માણસને આ ઉદબોધન છે. કારણ?

કારણકે,

માદામ મારીયા ક્યુરીએ ભલે એક્સ-રે શોધી નાંખ્યા; એનું ઘડતર થયું પોલેન્ડના એક સાવ સામાન્ય પાદરીની સાવ સામાન્ય દીકરી તરીકે. અને એ એક્સ રે વાપરી, આપણાં હાડકાંની  ચકાસણી કરનાર ઓર્થોપેડીક સર્જનને એની છબી  પાડી આપનાર અમદાવાદ/ રાજકોટની લેબોરેટરીનો ટેક્નીશીયન પણ એક સામાન્ય માણસ છે.

અમેરીકન ખંડના એક ટાપુ પર પગ મુકનાર પહેલો યુરોપીયન, મહાન મુસાફર, ક્રીસ્ટોફર કોલમ્બસ પણ એક સામાન્ય ખલાસી હતો, અને એના સાન્તા મારીયા જહાજના સઢને સંકોરી, જહાજને બરાબર પશ્ચીમ દીશામાં ગોઠવતો ખલાસી પણ એક સામાન્ય માણસ હતો.

ભારતને આઝાદી અપાવનાર ગાંધીજી પણ એક સામાન્ય માણસ હતા; અને એમની ચળવળને મુર્તીમંત બનાવનાર, દાંડીકુચમાં પગે ચાલનાર જણ પણ સામાન્ય માણસ હતો.

અને નોંધી લો …   ..

  • એ સામાન્ય માણસ જ જીવનને ધબકતું રાખે છે.
  • માનવજીવનમાં જે કાંઈ પણ બને છે; એમાં પાયાનું કામ એ કરે છે.
  • એ અનાજ પકવે છે અને કારખાનાંઓમાં માલ પેદા કરે છે.
  • એ જ રસ્તા. મકાનો. મંદીરો, મહાલયો બાંધે છે.
  • એ જ ભગવાનની મુર્તી કોતરે છે.
  • એ જ લડાઈઓ લડી ઈતીહાસ સર્જે છે.
  • એ જ નવાં સામ્રાજ્યો અને સંસ્કૃતીઓનો પાયાનો સર્જક છે;
  • અને એ જ મહાન સામ્ર્રાજ્યો અને સંસ્કૃતીઓનો વીધ્વંસક છે.
  • એ જ ભાષાઓ બનાવે છે.
  • એ જ  સાહીત્ય અને લલીત કળાઓમાં  આલેખાતા જીવનનો ધબકાર છે.

એકવીસમી સદીનો એ સામાન્ય જણ પોતાના અને સમાજના જીવન વીશે શું વીચારે છે?

એનાં શું અરમાન છે?

એનું દર્શન શું છે?

…  આવા દસ હજાર સામાન્ય માણસોના વીચાર ‘ સ્પીક બીન્દાસ ’ પર એકત્રીત કરવાનો અમારો નમ્ર પ્રયાસ છે.

…  આવા  સામાન્ય માણસની મુલાકાત રજુ કરવાનો અમારો પ્રયત્ન છે.

સ્પીક બીન્દાસ…..

  • સામાન્ય માણસની સામ્પ્રત બોલીને ધબકાર આપતો શબ્દ.
  • તરવરતા તોખાર જેવા જવાન જણનો શબ્દ.
  • કોઈ પંડીતાઈના ભાર વગરનો,
  • ….  પણ સામાન્ય માણસના જુસ્સાને   જબાન આપતો શબ્દ.

સામાન્ય માણસના વીચારોને આમ વાચા આપવાની ખેવના ધરાવતો, છવ્વીસ વરસનો છોકરડો, સ્પીક બીન્દાસ બ્રાન્ડ   દેવાંગ વિભાકર પણ સામાન્ય માણસ છે; અને એને ટચલી આંગળીનો ટેકો કરનાર, લડખડાતા ટાંટીયા વાળો,   આ છાંસઠ વરસનો બાળક પણ સામાન્ય માણસ છે.

લો ત્યારે…

આવા થોડાક જણની મુલાકાત માણો.

———————-

જો તમે એમ માનતા હો કે, તમે સાવ સામાન્ય જણ છો –

  • તો અમારા આ અભીયાન માટે તમે બહુ કામના માણસ છો.

જો તમે એમ માનતા હો કે, તમે ‘કાઈક’ વીશીષ્ટ છો…

  • તો પણ તમે આ અભીયાનમાં આવકાર્ય છો.

તો આવો .

તમારા વીચારો વ્યક્ત કરી આ શૃંખલાને આગળ ધપાવવામાં સહાતભુત થાઓ

તમારા જીવન વીશે બે વાત કહેવા અને  તમારા વીચારો વ્યક્ત કરવા

આ ફાઈલ ડાઉનલોડ કરો

અને સ્પીક બીન્દાસને મોકલી આપો.

speakbindas@gmail.com

————————————

અને છેલ્લે ….

સામાન્ય માણસ શું કરી શકે છે; તેની એક પરીકલ્પના આપતી , અને મને બહુ જ ગમી ગયેલી હીન્દી ફીલ્મનો અહેવાલ આપતો લેખ વાંચવા અહીં ‘ક્લીક’ કરો

અલ્પ વીરામ

અનીશ્ચીત સમય માટે ‘ગધસુર’ પર વીરામ

માત્ર દર શનીવારે પથ્થરયુગની નવલકથા, પુરી ન થાય ત્યાં સુધી, આગળ વધતી રહેશે. એના નામકરણ માટે આપનાં સુચનો આવકાર્ય છે. .

ગદ્યસુર – એક નવું સીમાચીહ્ન

મને જણાવતાં અત્યંત આનંદ થાય છે કે, ગદ્યસુરે આજે એક નવું સીમાચીહ્ન હાંસલ કર્યું છે. મુલાકાતીઓનો આંકડો 100,000 ના શકવર્તી આંકને વટાવી ચુક્યો છે.

મારો બે વરસનો આ બાબલો લખપતી બની ગયો છે!

પણ એની આ સીદ્ધીનો યશ એના જનક કરતાં અનેક ગણો વધારે એના  વાચકો અને સાથી બ્લોગરોના શીરે જાય છે. એક યા બીજી રીતે એની વીકાસયાત્રામાં સહભાગી બનનાર આપ સૌનો આ બાબલો અને એનો 66 વરસનો બાળક બાપ ઋણી છે.

એના બીજા ભાંડરડા પણ વત્તે ઓછે અંશે માલેતુજાર છે.

ગુજરાતી સારસ્વત પરીચય 144.324

ગુજરાતી પ્રતીભા પરીચય 23,804

ગુજરાતી મહાજન પરીચય 2,508

—-

કાવ્યસૂર 51,035

હાસ્ય દરબાર 124,854

વીશ્વ ગુર્જરી 2,916

હોબી વિશ્વ 2,315

આ બાળકના નીવૃત્ત જીવનમાં આટલો બધો પ્રેમ આપવા માટે આપ સૌનો હૃદયપુર્વક આભાર.

મારી જીંદગી છે તુ – એક જાહેરાત

     મારા ખાસ મીત્ર ડો. રાજેન્દ્ર ત્રિવેદીએ અમુક વિશીષ્ઠ સંજોગોમાં ઉપર જણાવેલ શિર્ષકવાળી કવિતા,  અનુવાદ કરીને લખી હતી; અને તેના ‘તુલસી દલ’ નામના બ્લોગ પર પ્રકાશિત કરી હતી. એક અઠવાડીયા બાદ તેણે આ બ્લોગ પર તેને પ્રકાશિત કરવા મને વિનંતિ કરી હતી. જે મેં પ્રસિધ્ધ કરી હતી.

‘ તુલસી દલ ‘  ઉપર

‘ કાવ્યસુર ‘ ઉપર

   રાજેન્દ્રે કેવા વિશીષ્ઠ સંજોગોમાં આ કવિતા લખી હતી, તેની જાહેરાત કરી, સસ્તી સહાનુભૂતિ મેળવવા અમારા બન્નેમાંથી કોઈની  ઈચ્છા નથી.

    પરંતુ, આ ઘટનાની ખણખોદ કરી, કોઈ અમારી બદનામી કરે; ચારિત્ર્ય ખંડન કરે; અનેક ગુજરાતી ગ્રુપોમાં અને પોતાની વેબ સાઈટ પર જાહેરાત કરે; ચેટમાં મને સતત માનસિક ત્રાસ આપે; અધિકાર વિનાના, અયોગ્ય દબાણો કરાય; એ અંગે હલકા શબ્દો વપરાય; સુરૂચિનો ભંગ થાય તેવા, પ્રતિભાવો લખાય; વિગતમાં  ઉતરવાનો સન્નીષ્ઠ પ્રયાસ કર્યા વિનાની, અપરિપક્વ ચર્ચાઓ થાય –  એ સઘળાંને અમે માન્ય રાખતા નથી.  

    આવી વૃત્તિઓના પ્રામાણિક વિરોધના પ્રતિક તરીકે, ઉપરોક્ત બન્ને ઠેકાણે આ અનુવાદિત કવિતા માત્ર અમારા સ્નેહી મિત્રો અને સ્વજનો જ વાંચી શકશે. આમ કરવાનો બ્લોગર તરીકે અમને પૂર્ણ અધિકાર છે –  તે સર્વે વાચક મિત્રોને અને ગુજરાતી બ્લોગરોને વિદિત થાય.  

   બ્લોગીંગ કમ્પની દ્વારા કોઈ પણ બ્લોગરને અપાયેલ આ હક્કનું સન્માન ન કરાય; તે અમને સ્વીકાર્ય નથી.

– ડો રાજેન્દ્ર ત્રિવેદી

–  સુરેશ જાની  

સમાચાર

   અત્યંત આનંદ સાથે જણાવવાનું કે ગદ્યસુર પર પ્રકાશીત થયેલાં, અને મને સૌથી વધારે ગમતાં, લખાણોનો અંગ્રેજીમાં  અનુવાદ હવે નીચેના બ્લોગ ઉપર વાંચી શકાશે.

Expressions

    આગળ ઉપર, સમય મળ્યે, મને ગમતાં ગુજરાતી લેખો, વાર્તાઓ અને કાવ્યોનો અંનુવાદ પીરસવા પણ વીચાર છે. સૌ વાચક મીત્રોને વીનંતી કે, ગુજરાતી ન જાણતા તમારા મીત્રોને આ અંગે જાણ કરી, લાભ લેવા પ્રોત્સાહીત કરશો.

સમાચાર

    મને જણાવતાં અત્યંત આનંદ થાય છે કે, ન્યુ જર્સીથી પ્રકાશીત થતા, ‘ ગુજરાત દર્પણ’ ના એપ્રીલ – 2009 ના અંકમા મારી વાર્તા ‘ શિલા’ પ્રકાશીત થઈ છે.

ગદ્યસુર પર વાંચો –    ભાગ – 1        :      ભાગ -2  

 ’ ગુજરાત દર્પણ’ ના સંચાલકો શ્રી. સુભાષ શાહ અને શ્રી. કલ્પેશ શાહનો ખુબ ખુબ આભાર.

સમાચાર

     મને જણાવતાં અત્યંત આનંદ થાય છે કે, ન્યુ જર્સીથી પ્રકાશીત થતા, ‘ ગુજરાત દર્પણ’ ના એપ્રીલ – 2009 ના અંકમા મારી વાર્તા ‘શિલા’ પ્રકાશીત થઈ છે.

    ગદ્યસુર પર વાંચો –    ભાગ – 1        :      ભાગ -2  

     ‘ ગુજરાત દર્પણ’ ના સંચાલકો  શ્રી. સુભાષ શાહ અને શ્રી. કલ્પેશ શાહનો ખુબ ખુબ આભાર.