જવાંમર્દ હીજડો

સાભાર – શ્રી. આણંદરાવ લિંગાયત

જવાંમર્દ એટલે કોણ?

• પોતાની શારીરિક કે માનસિક તાકાતના બળે બીજા પર આધિપત્ય જમાવે તે?
• લશ્કરો ભેગાં કરીને સામ્રાજ્યો સ્થાપે તે?

કોઈ નામર્દ ઉર્ફે હીજડો જવાંમર્દ હોઈ શકે? એ એક આદર્શ પિતા બની શકે?

હા! આ રહ્યો એ જવાંમર્દ હીજડો – એક આદર્શ પિતા

આ ફોટા પર ક્લિક કરી તે સત્યકથા વાંચો.

તે  સત્યકથાના અંતે …

આવી અનેક પ્રેરક સત્યકથાઓ અહીં…..

આ ચિત્ર પર ક્લિક કરો અને એ વેબ સાઈટની મુલાકાત લો.

અંતરયાત્રા અને એનર્જિ – બ્રહ્મવેદાંતજી

“અંતરયાત્રામાં નીકળવુ છે?
તો ખુબ  ઊંચા ગ્રેડની એનર્જિ જોઇશે.”

     કાળા ઓઇલથી ક્રૂડ એન્જીન ચાલે. વજન વહન કરવાની ટ્રકો સારુ ઈંધણ માગે, ડિઝલ જોઇએ. પેટ્રોલથી ચાલતા વાહનોમાં ડિઝલ ન વપરાય. વિમાનમાં સાદું પેટ્રોલ ન ચાલે, ત્યાં જોઇએ એવિએશન ફ્યુએલ. સ્પેસની યાત્રાએ નીકળવું હોય તો, રોકેટમાં એવિએશન ફ્યુઅલ પણ ન ચાલે, રોકેટ માટે સોલિડ ફ્યુએલ, લિક્વિડ ઓક્સિજન અને એવા ખુબ હાયર ગ્રેડના ઈંધણની જરુર પડે.

      ભીતર પ્રાણ શરીર છે (ઈથરિક બોડી), ભાવ શરીર છે (એસ્ટ્રલ બોડી), જ્ઞાન શરીર છે (મેન્ટલ બોડી) અને આનંદ શરીર છે (સ્પિરિચ્યુઅલ બોડી). સૂક્ષ્મ અને હાયર ઇન્ટેલિજન્સ ધરાવતી ઊર્જાઓની જરુરત પડે. આપણી પાસે જે એનર્જિ છે તેનું શુદ્ધીકરણ કરવું પડે. ક્રૂડ ઓઇલ રોકેટમાં ન ભરાય. ભીતરની યાત્રા સ્પેસ ટ્રાવેલ જેવી છે. ચિત્ત આકાશ પછી ચિદ્ આકાશ.

     ઊર્જાના શુદ્ધીકરણ, ઉર્ધ્વીકરણ અને રૂપાંતરણની પ્રોસેસ છે. આ શરીરને ટ્રાન્સફોર્મિંગ એપરેટસ કહ્યુ છે. આપણા સાંભળવામાં આવે છે કે ભાવશુદ્ધિ, જ્ઞાનશુદ્ધિ, ચિત્તશુદ્ધિ જરૂરી છે. પછી જ અંતરયાત્રામાં પરિણામો મળે. સૌ પ્રથમ પૂરતી ઊર્જા તો હોવી જોઇએ ને ? અત્યારે તો જીવન એવી રીતે ગોઠવાયું છે, અને  શરીરના સ્તરે અને સાયકિક સ્તરે એવી આપાધાપી છે કે, જીવનઊર્જા ત્યાં જ વપરાઇ જાય છે. પૂરતી ઊર્જા જ નથી !

     વ્યવહારના ક્ષેત્રમાં પૈસાની ભાષાથી આપણે પરિચિત છીએ. પૈસાની કમાણી ઓછી હોય અને ખર્ચાઓ વધુ હોય તો નાણાંભીડ અનુભવાય. સાધનાના ક્ષેત્રમાં આવુ જીવન ઊર્જાના બારામાં અનુભવાય છે. પૂરતી અને ઊંચા ગ્રેડની જીવન ઊર્જા હોય તો ‘સ્વ’ અનુભુતિના લક્ષ્ય તરફ જઈ શકાય. જીવનઊર્જાને પ્રેપરેશન, પ્યોરીફિકેશન અને પરફેકશનના તબક્કાઓમાંથી પસાર કરવી પડે છે.

       વાસ્તવિકતા તો એ છે કે જીવનઊર્જા સંસાર-વ્યવહારમાં ખૂબ જ ખર્ચાઇ જાય છે,  એટલે સદાય ઊર્જાભીડ અનુભવાય છે.

     સ્વબોધનુ લક્ષ્ય હોય તો, કોન્શિયસ એનર્જિનુ વધુ અને વધુ પ્રગટીકરણ થાય, તેવી રીતે જીવનમાં આયોજન કરવું પડે. તમસ અને રજસના ક્ષેત્રમાંથી ચિત્ત મુક્ત થશે, સત્વના ક્ષેત્રમાં રહેતું થશે તો યાત્રા શક્ય બનશે.

….બ્રહ્મવેદાંતજી

મરતાં મરતાં જીવો છો?

જીવન જીવવાની કળા જાણવી હોય તો જીવતાં મરવું કોને કહેવાય, એ પણ જાણવું જોઈએ.

૧૯૭૧ નું સાહિત્ય માટેનું નોબલ પારિતોષિક મેળવનાર પાબ્લો નેરૂદા ( ચીલી)નાં આ વચનો ‘જીવવા’ માટે બહુ કામનાં છે.

 

તેમના ફોટા પર ક્લિક કરો અને તેમના જીવન વિશે જાણો…

જો કે, આમાં બે’ક  બહુ જ અગત્યની વાત ઉમેરવા મન થાય છે.

આમ કરવાની સાથે હમ્મેશ એ વાત ન ભુલતા કે,

• કશું શાશ્વત નથી. એ માણો પણ એ સતત મળ્યા જ કરશે – એવા ભ્રમમાં ન રહેતા.
• કોઈકને પણ નાનકડી મદદ કરવાની ટેવ પાડજો.
  કોઈકના મુખ પર પ્રગટેલું નાનકડું સ્મિત તમારા અટ્ટહાસ્ય કરતાં વધારે આનંદ અને શાંતિ આપશે.

સાભાર – શ્રી. વિનોદ પટેલ

 

સુખી થાઓ, સુખી કરો – શ્રી. શ્રી. રવિશંકર

આ ચિત્ર પર ક્લિક કરી એ સંદેશો વાંચો, જીવનમાં ઉતારો

એમાંથી ટાંચણ અને અનુવાદ..

Be happy and content!
We should think about two main goals for ourselves in life:
#1. What is it that you want to achieve in life.
#2. What do you wish to give or contribute to society before you leave this planet.

—

This is Puja.
Pray for three things in life:

1. Purity in the heart
2. Clarity in the mind
3. Sincerity in action.

સુખી અને સંતોષી થઈએ. આપણે આપણા જીવનના બે ધ્યેય વિશે વિચારીએ –

1. આપણે જીવનમાં શું હાંસલ કરવા ઇચ્છા રાખીએ છીએ.
2. પૃથ્વી  છોડીને આપણે વિદાય લઈએ તે પહેલાં આપણે સમાજને શું આપવા માંગીએ છીએ?

—

આ પૂજા છે. ત્રણ ચીજ માટે પ્રાર્થના કરીએ…

1. દિલમાં શુદ્ધતા

2. વિચારમાં દૃઢતા

3. કાર્ય/ વર્તનમાં પૂર્ણ વફાદારી

અંતરયાત્રાની અવસ્થાઓ – બ્રહ્મવેદાંતજી

…કોન્શિયસ એનર્જિથી અંતર્યાત્રા થાય. પ્રકાશ પડે તો રસ્તો દેખાય. પોતાનું ભાન વધે, વર્તમાન ક્ષણમાં ઠહેરાવ વધે. પછી ભીતરી રૂપાંતરણ શક્ય બને. પ્રેમ, જ્ઞાન, આનંદ, આત્મદર્શન એ બધી પછીની વાતો છે. સંભાવના આપી છે, જાગવુ, ન જાગવુ એ આપણી સ્વતંત્રતા.

• પ્રાણીજગત
  • શરીર ઓરિએન્ટેડ જીવન; તમસનુ જીવન.
• મનુષ્યનુ જગત
  • વધુ પડતો સાઇકિક એનર્જિનો ઉપયોગ, મન,બુદ્ધિ, ચિત્ત અને અહંકારની સક્રિયતા, ક્રિયાશીલતા, દોડાદોડી, પ્રયત્નનુ જગત; રજસનુ જગત.
• સત્વનુ જગત
  • પોતાના હોવાપણાનો બોધ, ‘સ્વ’ની અનુભુતિ, વર્તમાન ક્ષણમાં ઠહેરાવ, ભીતરની જાગૃતિમાં ઉત્તરોત્તર વધારો – આ છે સત્વનુ જગત.

      સત્વ તરફ વધુ ને વધુ રહેવાનું થાય, પોતાના સાચા હોવાપણાનો અહેસાસ થાય, ભુતકાળ અને ભવિષ્યકાળમાં થતી ભટકનો ઓછી થાય, ચિત્ત લય અનુભવે, ભીતર સમાધાન થાય, નવાં નવાં દર્શનો થાય, કારણ વગર મસ્તી પ્રગટે, એક ગહેરી શાંત  સ્થિતી અનુભવાય તો આત્મતત્વના ક્ષેત્ર તરફ યાત્રા થાય છે એમ જાણવું.

     આત્મતત્વની સત્તા માત્રથી કેટલીય અશુદ્ધિઓનાં આવરણ હટવાં લાગશે. પ્રકાશ આવે એટલે અંધકાર ન રહે. શુદ્ધ આત્મતત્વની અનુભૂતિ થાય ત્યાં સુધી અંતરયાત્રા છે. નિર્વાણ, વિસર્જન પછીની વાતો છે.

       અત્યારે આપણી પોતાની શી હાલત છે તેનુ ઇમ્પાર્શિયલ ઓબ્ઝર્વેશન કરી લેવું. તટસ્થ – તટ ઉપર થઈને જોઇ લેવુ.

યાત્રાની શરુઆત તો
આપણે જ્યાં હોઇએ ત્યાંથી થાય.

…….બ્રહ્મવેદાંતજી

સેવાની ભાવના

     નીચેના વિડિયોમાં કોઈ ફિલસૂફી નથી. માત્ર સેવાની ભાવનાનું વૈજ્ઞાનિક વિશ્લેષણ છે. કદાચ આપણે તેની સાથે સહમત ન પણ થઈએ.

પણ નાનકડી સદભાવનાથી નાનકડી શરૂઆત કરીએ તો?

નાનકડી શિસ્ત પાળવાની ટેવ પાડીને – આમ

There’s a man out there, somewhere, who looks a little bit like the actor Idris Elba, or at least he did 20 years ago. I don’t know anything else about him, except that he once saved my life by putting his own life in danger. This man ran across four lanes of freeway traffic in the middle of the night to bring me back to safety after a car accident that could have killed me. And the whole thing left me really shaken up, obviously, but it also left me with this kind of burning, gnawing need to understand why he did it, what forces within him caused him to make the choice that I owe my life to, to risk his own life to save the life of a stranger? In other words, what are the causes of his or anybody else’s capacity for altruism?

But first let me tell you what happened. That night, I was 19 years old and driving back to my home in Tacoma, Washington, down the Interstate 5 freeway, when a little dog darted out in front of my car. And I did exactly what you’re not supposed to do, which is swerve to avoid it. And I discovered why you’re not supposed to do that. I hit the dog anyways, and that sent the car into a fishtail, and then a spin across the freeway, until finally it wound up in the fast lane of the freeway faced backwards into oncoming traffic and then the engine died. And I was sure in that moment that I was about to die too, but I didn’t because of the actions of that one brave man who must have made the decision within a fraction of a second of seeing my stranded car to pull over and run across four lanes of freeway traffic in the dark to save my life.And then after he got my car working again and got me back to safety and made sure I was going to be all right, he drove off again. He never even told me his name, and I’m pretty sure I forgot to say thank you.

So before I go any further, I really want to take a moment to stop and say thank you to that stranger.

આ વાત આખી વાંચવી હોય તો અહીં ‘ક્લિક’ કરો.

સ્વાર્થથી મુક્તિ

નિસ્વાર્થી બનો. બને તેટલી કોઈને મદદ કરો.

સેવા

અંતરયાત્રાનું ત્રીજું

અને સૌથી ઉમદા પગથિયું.

નકર્યા સ્વાર્થથી ભરપૂર આપણા જીવનમાં આ ગુણ શી રીતે પાંગરે?

દલાઈ લામા – તેમના જીવન વિશે જાણવા આ ફોટા પર ક્લિક કરો.

દલાઈ  લામાના આ અંગે વિચાર….

અંતરયાત્રાનાં સાધનો – બ્રહ્મવેદાંતજી

“…આપણે અંતર્યાત્રામાં જવુ છે. આપણી પાસે જે ઉપલબ્ધ સાધનો છે, તેને ઓળખી લેવા જરુરી.”

     આપણી પાસે સ્થૂળ શરીર છે – ફિઝીકલ બોડી. તેમા પાંચ જ્ઞાનેન્દ્રિયો છે – આંખ, કાન, નાક, સ્વાદેન્દ્રિય અને સ્પર્શેન્દ્રિય. પાંચ કર્મેન્દ્રિયો છે. – બે હાથ, બે પગ અને જીભ. આ સાધનોથી આપણે બહારના જગત સાથે સંકળાઈ  શકીએ છીએ અને કંઇક કરી શકીએ છીએ.

     કહે છે કે, આ શરીર પુરા બ્રહ્માંડની પ્રતિકૃતિ છે. પિંડ છે તે બ્રહ્માંડ છે. કેટલીય અટપટી  પ્રક્રિયાઓ આ શરીરમાં ચાલી રહી છે. શરીરવિજ્ઞાન કુદરતની કરામતો જાણવા પ્રયત્ન કરે છે. શરીરવિજ્ઞાને ઘણી જાણકારી હાંસલ કરી છે. ઘણુ જાણી શકાયું છે અને હજુ ઘણુ જાણી શકાતું નથી.

     શ્વાસ લેવાતો રહે છે, હ્રદય ધબકતું રહે છે, એક એક કોષને લોહીનો પૂરવઠો પહોંચતો રહે છે. અગણિત વિટામિન્સ, પ્રોટિન્સ, હોર્મોન્સ બનતાં રહે છે.પાચનક્રિયા અદભૂત રીતે ચાલતી રહે છે. ઉષ્ણતામાન જળવાતું રહે છે. સોલ્ટ ક્ન્ટ્રોલ થતો રહે છે. કઈ સત્તા આ બધુ સંભાળી રહેલ છે ? આ બધું કઈ ઊર્જાથી ચાલે છે ? આ ઊર્જા કેવી રીતે ઉત્પન્ન થાય છે ?

     આ વાઇટલ એનર્જિ, બાયોઇલેક્ટ્રિસિટી કેવી ઇન્ટેલિજન્સ ધરાવે છે? એ ક્યાંથી આવે છે? જડ જગતમાંથી ચેતન જગતનો કેવો અદભૂત વિકાસ થયો છે?  કઈ સત્તા આ બધાને ઉત્પન્ન કરે છે, ધારણ કરે છે અને પોષે છે ?

     ભાગ્યે જ આપણે આ બારામાં વિચારીએ છીએ. આપણે આપણા અહંતા અને મમતાના જગતમાં ગજબના ઉલઝ્યા છીએ. કલ્પના, વાસના અને વિવિધ કામનાઓના જગતમાં જીવતાં જીવતાં ઘણી વાર આપણું શરીર છે, તેને પણ ભુલી જઈએ છીએ. મનોવ્યાપારથી જ જીવીએ છીએ.

    ફિઝિકલ બોડી, સ્થૂળ શરીર ઉપરાંત આપણી પાસે સૂક્ષ્મ શરીર છે. આ શરીરનાં સાધનો છે – મન, બુદ્ધિ, ચિત્ત અને અહંકાર. મન,બુદ્ધિ, ચિત્ત અને અહંકાર એ ઊર્જાઓ છે; સાઇકિક એનર્જિ. સાઇકિક એનર્જિથી ભાવ પ્રગટે, ફિલીંગનુ જગત. સાઇકિક એનર્જિથી વિચાર પ્રગટે, જ્ઞાન પ્રગટે; થિંન્કિંગનુ જગત.

     પ્રાણી જગત સુધી વાઈટલ એનર્જિનુ સામ્રાજ્ય છે. મનુષ્યમાં વાઈટલ એનર્જિ ઉપરાંત સાઇકિક એનર્જિનુ સામ્રાજ્ય છે. આ બે ઊર્જાઓ ઉપરાંત મનુષ્યમાં એક હાયર ગ્રેડની ઊર્જા છે – કોન્શિયસ એનર્જિ, ચૈતન્ય ઊર્જા.

   સ્થૂળ શરીરના ફંકશનો થતા રહે છ, સૂક્ષ્મ શરીરના ફંકશનો થતા રહે છે; પણ કોઇને એનો બોધ થાય છે? બોધ ક્યાં થાય છે? બોધ, જાગરુકતા, અવેરનેસ, વિવેક, પ્રજ્ઞા, અવધાન, મેધા, સભાનતા – આ બધા શબ્દો આપણે સાંભળીએ છીએ. આ બધા શબ્દો કોન્શિયસ એનર્જિના ગુણધર્મોનુ વર્ણન કરવા વપરાય છે.

    વાઈટલ એનર્જિથી સ્પેસનું ભાન થાય. સાયકિક એનર્જિથી કાળનું ભાન થાય. કોન્શિયસ એનર્જિથી પોતાનું ભાન થાય! કાળાતીત અનુભૂતિ એ આત્મતત્વનું ક્ષેત્ર છે. આપણું જીવન વાઇટલ એનર્જિના અને સાઇકિક એનર્જિના જગતમાં પૂરું થઈ જાય છે. કોન્શિયસ એનર્જિનું  ડેવલપમેન્ટ એ સાધનાનુ લક્ષ્ય છે.

   બાકી ધર્મના નામે ગમે તે કર્યા કરો, સૌ સૌની મોજ !

…. બ્રહ્મવેદાંતજી

અંતરયાત્રા અને પ્રયત્ન – બ્રહ્મવેદાંતજી

      ગણિત શીખવું હોય તો પૂરી રીત શીખવી પડે. દાખલો ગણવો પડે. ગણિતના પુસ્તકને અંતે દાખલાનો જવાબ જોઇ સીધેસીધો લખી નાખીએ તો ગણિત ન આવડે.

      ધર્મ ભીતરના જગતનુ સાયન્સ છે. સંસારથી ભાગી છુટીએ કે તૈયાર ઉત્તરોથી સમાધાન મેળવવા પ્રયત્ન કરીએ તો સફળતા ન મળે. અતૃપ્તિ રહેવાની.

      ભુખ લાગે તો રસોઇના વર્ણનો વાંચવાથી પેટ ન ભરાય. ભુખ લાગે તો રસોઇ કરવી પડે, જમવું પડે, ભુખ તૃપ્ત કરવી પડે. ફક્ત મેનુકાર્ડ વાંચવાથી પેટ ન ભરાય. ફક્ત શાસ્ત્રોનુ પઠન જ કર્યા કરીએ તો શું પરિણામ આવે ?

     રોગ થયો હોય તો ડૉક્ટર નિદાન કરી દવાનુ પ્રિસ્ક્રીપ્શન લખી આપે.પ્રિસ્ક્રીપ્શન પ્રમાણે દવા લાવવી પડે અને લેવી પડે. ફક્ત પ્રિસ્ક્રીપ્શનો વાંચ્યાં કરવાથી રોગ દુર થાય ?

      ભીતર જાગૃતિ વધે, શુદ્ધ સત્તાની આડે આવેલા આવરણો હટે,  તો પ્રેમ, ધ્યાન, શાંતિ, મસ્તી, આનંદની અનુભૂતિ થઈ શકે અને અંતે સ્વરૂપદર્શન થઈ શકે. જાગૃતિ વધારવા સઘન પ્રયાસ કરવા પડે. જીવંત આશ્રમો અને જીવંત જાગૃત ચેતનાઓનુ માર્ગદર્શન લેવુ પડે. જીવનઊર્જાને આ લક્ષ્ય માટે વાપરવી પડે. અતૃપ્તિ તો જ મટે.

      ફક્ત શાસ્ત્રો વાંચવાથી, જ્ઞાનચર્ચા કરવાથી, પ્રવચનો સાંભળવાથી માહિતી એકઠી થાય, પણ પરિણામ હાથ ન આવે, સમાધાન ઉપલબ્ધ ન થાય.

     સંસારવ્યવહારમાં કોઇ વિદ્યા પ્રાપ્ત કરવી હોય, નોકરીમાં પ્રમોશન, કોઇ પદ પ્રાપ્ત કરવું હોય, ધંધામાં બે પૈસા પ્રાપ્ત કરવા હોય, ઘરના મકાન બનાવવાં હોય, સુખસગવડના સાધનો વસાવવાં હોય તો ખાસ્સી જીવનઊર્જા ખર્ચવી પડે છે. કેટલાં બધાં આયોજનો અને પ્રયત્નો કરવાં પડે છે ! ભીતરની યાત્રા જ્યારે જીવનઊર્જા સાવ તળીયે બેઠી હોય ત્યારે શરુ કરીએ અને કોઇની કૃપાની આશા રાખીએ તે કેમ બને ? આત્મદર્શન, પરમાત્માની સત્તાને અનુભવવા માટે જીવનઊર્જા પુરા દાવથી લગાવવી પડે છે. કહે છે ને કે,

‘હરિનો મારગ છે શુરાનો,
નહી કાયરનું કામ જોને!’

      યાત્રાએ નીકળો પછી સમજાશે. પહેલા એ સ્થિતીનુ મૂલ્ય શું છે તે તો સમજાય! ઓથેન્ટિક પ્યાસ હશે તો યાત્રા અઘરી નથી

 બ્રહ્મવેદાંતજી

જાતની ઓળખ – બ્રહ્મવેદાંતજી

“…અત્યારે જે પ્રાણ આપણી પાસે છે તે પૂરતો પણ નથી અને શુદ્ધ પણ નથી. કાળાં વાદળાં જ્યારે સૂર્યને ઢાંકી દે છે, ત્યારે અંધારું પ્રબળ બની જાય છે. આપણે આપણી અશુદ્ધિઓ પ્રત્યે પૂરતા સભાન નથી. જો કે આપણને બીજાની અશુદ્ધિઓ સરળતાથી દેખાય છે!

     અશુદ્ધિઓનાં ઘણાં કારણો છે. અશુદ્ધિઓને કારણે ચિત્ત ભટકતું જ રહે છે, અને જીવન-ઊર્જા ખર્ચાતી રહે છે. આખી જિંદગી રઝળપાટ પછી હાથ લાગે છે- વ્યર્થતાનો અનુભવ. હાથ લાગે છે-  જીવનો બળાપો અને લાચારી.

     પ્રકૃતિનો હેતુ સમજ્યા વગર આપણું કન્ડિશન્ડ માઈન્ડ કંઇક ને કંઇક આડુઅવળું કરતું રહે છે. કામનાઓ અને વાસનાઓ વધતી જ રહે છે, અને વિકારી ભાવો પ્રગટ્યા કરે છે.”

સમજીએ –

• ધાર્યું બધું મળે તો અહંકાર પ્રગટે.
• અહંકાર પ્રબળ થાય એટલે મદ પ્રગટે.
• ધાર્યું અડધું મળે તો મોહ પ્રગટે.
• મહેનત કરી, પણ આપણને ધાર્યું ન મળ્યું, પણ અન્ય કોઇને મળ્યું તો ઈર્ષ્યા પ્રગટે.
• મહેનત કરવી નથી અને જોઇએ છે. બીજા મેળવે છે, એ જોઇ ને અદેખાઈ આવે છે.
• પ્રકૃતિ આપે છે તે નહીં, પણ બીજુ કંઇક જોઇએ છે; અસૂયા પ્રગટે.
• જે મળ્યું હોય તે પુરતું હોય, તેમ છતાં બસ મેળવતા જ જાવ, ભેગું કરતા જ જાવ – એવી વૃત્તિ થી લોભ પ્રગટે.
• પોતાના સુખને અનુરૂપ કોઇ વર્તે તો મિત્ર.  પ્રતિકુળ વર્તે તો પ્રતિદ્વંદી, શત્રુ. આવી વૃત્તિઓને કારણે રાગ અને દ્વેષ પ્રગટે.
• પોતાનું ધાર્યું ન થાય તો ક્રોધ પ્રગટે.
• ધાર્યું થવામાં કોઇ વચ્ચે આવે તો હિંસા પ્રગટે.

     જીવનમાં નજર કરીશુ તો જણાશે કે આવા અનેક વિકારી ભાવો ઉઠ્યા જ કરે છે. ભય, પીડા, ઇનસિક્યોરીટી, પ્રતિસ્પર્ધા, પૂર્વગ્રહો, ગિલ્ટ જેવી અનેક  વિકૃતિઓથી આપણી ચેતના ઘેરાયેલી રહે છે.

      સો કૌરવો..અને અંતે મહાભારત.

પોતાને જાણ્યા વગર,
સીધા પરમાત્માને જાણવા
નીકળનાર ભટકી પડે છે.

…બ્રહ્મવેદાંતજી