મશરૂમ – એક અવલોકન

આજે પાર્કમાં ફરવા ગયો હતો; ત્યાં બે મશરૂમ નજરે ચઢી ગયા. ઊડીને આંખે વળગે તેવા હતા. જમીન પર ઝાડના સડી રહેલાં છોડિયાંનું મલ્ચ પાથરેલું હતું. એની ઉપર એ બે મશરૂમ  એકબીજાની સાવ નજીક, પ્રેમી પંખીડાંની જેમ ખડાં હતાં!

રૂપાળું મશરૂમ

એમાંથી એકને ઉખાડીને બારીકીથી  નિરીક્ષણ કર્યું. એમની હેરત પમાડી દે તેવી રચના જોઈ મન પ્રસન્ન થઈ ગયું. ઘેર આવી ગુગલ મહારાજનો સહારો લઈ એના વિશે જાણવા પ્રયત્ન કર્યો; અને હમ્મેશ બને છે; તેમ ઢગલાબંધ માહિતી  ખડી થઈ ગઈ.

અહીં મશરૂમ વિશે વિશેષ જ્ઞાન આપવા આશય નથી. લો આ બે ત્રણ જગાએથી એ તો તમને મળી જશે.

–  1  – :  –  2  – :  – 3  –

એને ઊગતું જુઓ

આ તો એનાથીય વધારે રૂપાળું મશરૂમ

પણ વનસ્પતિ કે પ્રાણી જગતમાં જેનો સમાવેશ નથી થતો તેવા; આ ‘ફૂગ’ પ્રકારના, અલ્પ આયુષ્ય વાળા  અને સડતી, સેન્દ્રિય ચીજ  પર નભતા જીવનું મનોહારી અસ્તિત્વ મન હરી ગયું.

શી એની કુમાશ? એના  નાનકડા હોવાપણાંનું કેવું તો સૌંદર્ય? અને એનો નિભાવ – ગંદામાં ગંદી ચીજ પર. સડતી ચીજ પર.

જાણે કે. કાદવમાં કમળ.

જીવન જીવવાની કેવી સરસ મજાની કળા શિખવી ગયું આ મશરૂમ?

એક અંગ્રેજી કવિતા યાદ આવી ગઈ.

It is not growing like a tree

In bulk, doth make man better be;

Or standing long an oak, three-hundred year,

To fall a log at last, dry, bald and sere.

A lily of a day,

Is fairer far in May,

Although it droop and die that night,

It was the plant and flow’r of light.

In small proportions we just beauties see;

And in short measures, life may perfect be.

Ben Jonson

Advertisements